Literatura, música e teatro na programación cultural de outono en Sober

La Voz

SOBER

Moncha Prieto é natural da parroquia soberina de Gundivós
Moncha Prieto é natural da parroquia soberina de Gundivós

A primeira cita será este vernres coa presentación de Alma de barro,  a novela da xornalista Moncha Prieto

12 oct 2021 . Actualizado a las 20:09 h.

A presentación da primeira novela da xornalista Moncha Prieto abre esta semana a programación cultural do Concello de Sober para este outono. Serán en total oito convocatorias que rematarán a finais de novembro e que inclúen, ademais de presentacións de libros, concertos, teatro, documentais e outras actividades. Tamén están en marcha as actividades das Merendas con Contos (os venres ás 16:30 horas) e O Eirado das Letras (os martes ás 18:00 horas).

O primeiro acto desta programación de outono chegará este venres, día 15. A xornalista Moncha Prieto, natural de Gundivós, presenta a súa primeira novela. Titúlase Alma de barro e está baseada en feitos reais que aconteceron en diferentes lugares da Ribeira Sacra. A presentación do libro terá lugar no centro sociocultural e comezará as 19:00 horas.

A segunda cita é outra presentación de libro. Trátase de La hora de las golondrinas, de Eleonor Gil. Será o día 23 (12:00 horas) e o acto contará coa presenza da autora.