Sober celebrará as festas do Carme con actos culturais e relixiosos

As actividades levaranse a cabo entre o sábado e o domingo

A Banda de Sober ofrecerá o domingo un pasarrúa xunto coa Banda de Chantada
A Banda de Sober ofrecerá o domingo un pasarrúa xunto coa Banda de Chantada

Unha serie de actos culturais e relixiosos conformarán o programa das festas do Carme de Sober, nas que non se poderán celebrar as tradicionais actividades festivas a causa da situación sanitaria. A programación comezará ás 12.30 horas do sábado cunha actuación musical da charanga NBA. Á unha tarde celebrarase unha misa solemne na igrexa nova da capital municipal e ás 19.00 horas ofrecerase na praza do Toural o espectáculo «Pequeno cabaret infantil», a cargo de Nelson Quinteiro.

O domingo haberá un pasarrúas coa Banda de Sober e a Banda de Chantada a partir das doce do mediodía. Ás doce e media, o grupo de música tradicional Os Monifates ofrecerá un concerto na praza do Concello. Media hora máis tarde oficiarase unha misa solemne na igrexa. Os actos pecharanse co espectáculo de maxia «Don Gelati», a cargo de Dani García, que comezará ás sete da tarde na praza do Toural.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Sober celebrará as festas do Carme con actos culturais e relixiosos