A programación ábrese cos xoves de compadres e comadres e péchase co desfile de comparsas e o Baile da Cachucha
05 feb 2020 . Actualizado a las 11:26 h.O Concello de Sober repartirá este ano 1.200 euros en premios aos mellores disfraces do desfile de comparsas e o Baile da Cachucha. A programación especial do Entroido 2020 en Sober está xa ultimada, e abrirase o día 13 co Xoves de Compadres. O día 20 será o Xoves de Comadres, e o 22 o desfile de comparsas e o Baile da Cachucha, que este ano chega á súa edición número catorce.
Os actos programados para o día 22 empezarán ás cinco da tarde co desfile de disfraces polas rúas de Sober. Sairá da Casa do Concello e rematará no pavillón do colexio Virxe do Carme. A partir das seis haberá música, inchables, xogos e merenda para os participantes, e ás sete e media serán o desfile de disfraces e a entrega de premios. A festa continuará despois cunha degustación de cachucha e viño a partir das oito.
Para optar aos premios do desfile de comparsas é preciso inscribirse previamente, mediante un impreso de solicitude que se pode recoller no centro sociocultural. O dá do desfile es comparsas téñense que presentar ás catro da tarde no punto de saída. O xurado valorará o vestiario e a animación ao longo do percorrido. As comparsas deberán estar formadas por un mínimo de dez compoñentes e todas teñen garntido un premio de 50 euros polo simple feito de participar. Haberá ademais un premio de cen euros para a comparsa máis numerosa.
lista completa dos premios
Desfile de comparsas:
- 1º Premio: 200 €
- 2º Premio: 150 €
- 3º Premio: 100 €
- 4º Premio: 60 €
Concurso de disfraces:
Modalidade infantil:
Individual
- 1º Premio: Vale 50 €
- 2º Premio: Vale 30 €
- 3º Premio: Vale 20 €
Grupos de ata seis persoas
- 1º Premio: Vale 50 €
- 2º Premio: Vale 40 €
- 3º Premio: Vale 30 €
Modalidade de adultos:
Individual
- 1º Premio: 40 €
- 2º Premio: 30 €
- 3º Premio: 20 €
Grupos de ata seis persoas
- 1º Premio: 60 €
- 2º Premio: 50 €
- 3º Premio: 30 €