O filme «Malcavada» será estreado en Sober o próximo día 13

A curtametraxe, que leva o nome dunha adega do municipio, foi rodada o pasado verán

Un momento da rodaxe do filme no establecemento de turismo rural Casa Grande de Rosende
Un momento da rodaxe do filme no establecemento de turismo rural Casa Grande de Rosende

O auditorio do centro sociocultural de Sober acollerá o día 13 —ás 21.00 horas— a primera proxección pública da curtametraxe Malcavada, dirixida por Antonio Mourelos e rodada no municipio o pasado verán. O acto contará coa presenza do realizador e comprenderá un aperitivo con viños da Ribeira Sacra.

Aínda que leva o nome real dunha adega situada no municipio de Sober, Malcavada non é un documental senón unha obra de pura ficción, segundo explica o produtor do filme, Monti Castiñeiras. «A adega do filme toma o nome da adega Malcavada, pero é unha adega imaxinaria que serve de escenario a historia que conta a curtametraxe», sinala. «Na película, a adega tamén é propiedade dunha muller, pero neste caso non é a dona da adega real, Araceli Vázquez, senón un personaxe ficticio chamado Alicia, e a historia que conta a película non ten relación coa vida real da muller que dirixe a adega Malcavada», engade. Por outro lado, a filmación non se levou a cabo na auténtica adega Malcavada, senón na Casa Grande de Rosende, un establecemento de turismo rural. O filme —unha historia «de viño e amizade», segundo os seus responsables— é interpretado polas actrices Neves Rodríguez, Ledicia Sola, Carmen Méndez e Marta da Costa. A rodaxe desenvolveuse tamén noutros escenarios do municipio de Sober, como o canón do Sil.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

O filme «Malcavada» será estreado en Sober o próximo día 13