A xornada dobre de homenaxe a Fernández Ferrreiro no parador de Santo Estevo de Ribas de Sil comeza hoxe ás 13 horas cunha mesa redonda cos gañadores do Premio Biblos-Pazos de Galicia, e continúa con outra ás 16 horas sobre o oficio de escribir na que participarán Xosé Carlos Caneiro, Bieito Iglesias, Rui Lage, Inma López Silva, Valter Hugo Mãe, Fernández Naval, Xosé Ramón Pena e José Rui Teixeira, con María João Reynaud e Gonzalo Navaza. Ás 18.30, serán Álvarez Torneiro, Campio Pereira, Fernández Naval e Méndez Ferrín quen glosen a figura de Fernández Ferreiro, coa intervención posterior do homenaxeado. Para rematar, un recital poético cos escritores Anxo Angueira, Diego Cousillas, Rui Lage, Hugo Mãe, Oriana Méndez, David Pobra, Román Rama e José Rui Teixeira, que serán presentados por Ramón Nicolás.