Susana Seivane e a orquestra Panorama, estrelas das festas de Quiroga

La Voz

QUIROGA

Susana Seivane nun concerto de homenaxe ao poeta Manuel María celebrado na Coruña o pasado setembro
Susana Seivane nun concerto de homenaxe ao poeta Manuel María celebrado na Coruña o pasado setembro EDUARDO PEREZ

Os festexos comezarán o 8 de agosto e terán catro días de duración

02 may 2019 . Actualizado a las 15:31 h.

A gaiteira Susana Seivane e a orquestra Panorama serán as principais atraccións musicais das festas de verán de Quiroga, que comezarán o 8 de agosto. A popular orquestra abrirá os festexos esa mesma xornada cunha actuación encadrada na súa xira Number One Tour, que será por outro lado a primeira desa temprada que ofreza o grupo no sur da provincia. Pola súa parte, Susana Seivane actuará nun festival de música folk que se celebrará o 10 de agosto. Entre ambas datas, o día 9 celebrarase dentro dos festexos o Día da Comunidade. Os responsables municipais sinalaron que durante os catro días das festas haberá outras actuacións musicais e actividades de animación e entretemento que aínda non están totalmente pechadas.