Celia Díaz presentará o sábado en Quiroga «O castelo de Pena Redonda»

A obra, editada co apoio do Concello, gañou o premio de teatro infantil O Facho


O salón de actos da Casa de Cultura de Quiroga será escenario o sábado ?ás 19.00 horas? da presentación do libro O castelo de Pena Redonda, o máis tolo da contorna, da escritora Celia Díaz Núñez, unha obra que gañou no 2016 o premio de teatro infantil concedido pola asociación cultural coruñesa O Facho. A peza foi publicada pola editorial Fervenza co apoio do Concello de Quiroga.

No acto de presentación participarán a propia a autora, o ilustrador do libro -o artista ourensán Ricardo Paz Cid-, a tenente de alcalde Ana María Núñez e a directora do colexio público de Quiroga. Varios alumnos deste centro -Ignacio González Gómez, Natalia Álvarez Díaz, Nadia Touzón López e Manuel Antonio González Gallego- ofrecerán unha lectura dramatizada do texto. A acción da obra sitúase en torno ao ano 1250.

Celia Díaz Núñez naceu no Páramo, pero desde a infancia viviu en Quiroga, de onde procede a súa familia materna. Con anteroridade publicou dúas novelas xuvenís Rugando e A boca do monte, ambientadas na comarca quiroguesa. En 1995, co apoio do Concello, foi editado o seu ensaio Voces da Terra. Quiroga e os seus escritores. No 2004 deuse a coñecer como autora teatral coa obra Cataventos e cía., que gañou o premio Barriga Verde para teatro de monicreques. Posteriormente publicou outra peza teatral, Velaí vai o papaventos. Celia Díaz tamén é autora das novelas Unha verdade amarga e Adeliña, do libro de pasatempos Restra de letras e de varios textos didácticos para a aprendizaxe da lingua galega.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Celia Díaz presentará o sábado en Quiroga «O castelo de Pena Redonda»