Búscanse músicos para unha «batalla de grupos» en Pantón

Un certame de bandas independentes precederá o 13 de xullo ao primeiro festival Trece Roeis Fest, que se celebrará o 17 de agosto

A cantante Sés no Festival do Castro do 2017, o úlltimo que se celebrou ata agora en Pantón
A cantante Sés no Festival do Castro do 2017, o úlltimo que se celebrou ata agora en Pantón

O municipio de Pantón acollerá o 13 de xullo unha «batalla de grupos musicais» organizada pola asociación cultural Trece Roeis coa finalidade de promover a cultura musical independente e a creación de música en galego. O grupo gañador deste certame será premiado coa edición dun disco e dun vídeoclip e coa participación na primeira edición do festival Trece Roeis Fest, que se celebrará o 17 de agosto.

Os grupos interesados en participar no concurso poderán inscribirse ata o 7 de xuño enviando a documentación recollida nas bases, que poden consultarse na web da asociación. O certame, segundo indica a organización, está aberto a «todos os grupos que desenrolen a súa carreira musical en calquera lugar da península» e que traballen en calquera estilo, que pode ser o rock, o folk, o rap, a fusión ou o indie. O xurado -engaden- valorará positivamente os temas ou cancións de creación propia, aínda que tamén se admitirán versións doutros grupos. Neste caso, valorarase a orixinalidade na adaptación. Se as cancións teñen letra, deberá empregarse o idioma galego.

Nesta primeira fase, un xurado profesional seleccionará dezaseis bandas para que compitan no certame. A orde de actuación dos diferentes grupos decidirase mediante un sorteo. As actuacións principiarán ás doce do mediodía e continuarán ao longo da xornada. Á hora da comida, a organización ofrecerá un xantar popular a base de produtos típicos e viños da Ribeira Sacra. Ás dez da noite comezará un concerto no que tomarán parte catro grupos finalistas seleccionados polo xurado. A formación gañadora darase a coñecer ese mesmo día.

 Na organización do festival colaboran o Concello de Pantón, a Dirección Xeral de Políticas Culturais, a área de Turismo da Deputación e o consorcio turístico da Ribeira Sacra. En Pantón non se volveu celebrar ningún festival de música desde a última edición do Festival do Castro, en agosto do 2017.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Búscanse músicos para unha «batalla de grupos» en Pantón