De violín a trombón: estes son todos os cursos que se poden facer este verán co conservatorio de Monforte
MONFORTE DE LEMOS
Serán en xullo e en agosto e case todas as especialidades están pensadas para alumnado a partir de 6 anos
24 jun 2026 . Actualizado a las 13:52 h.O Conservatorio Municipal de Música «Mestre Ibáñez» de Monforte vén de abrir o prazo de inscrición para os seus Cursos de Verán, unha proposta que se desenvolverá en xullo e agosto nas instalacións do Edificio Multiusos. O obxectivo é ofrecer unha alternativa de lecer educativo para a xente nova durante as vacacións e facilitar a conciliación da vida familiar e laboral.
Os cursos están deseñados para alumnado a partir de 6 anos -agás Canto e Pandeireta, que require ter 17 anos cumpridos- e abranguen unha ampla variedade de especialidades, tanto instrumentais como teóricas. Entre os talleres de práctica instrumental ofértanse Guitarra, Violín, Piano, Saxofón, Clarinete, Frauta doce e travesa, Trompeta, Trombón, Tuba, Gaita, Percusión moderna (batería), Percusión tradicional galega, Canto e Pandeireta, xunto con talleres de Linguaxe Musical. O nivel das clases será de iniciación ou avanzado, adaptándose ás distintas capacidades do alumnado.
Para piano cómpre traer material específico: auriculares obrigatorios, e xogo de pinturas para o alumnado de ata 7 anos. E tamén para percusión moderna: Un par de baquetas modelo 5A e unha pelota de tenis.
Calendario de cursos por especialidades
As clases distribúense ao longo de tres semanas, en quendas de luns a venres. Cada materia ten unha duración dunha hora diaria durante a semana correspondente:
Semana do 6 ao 10 de xullo:
- Violín (Iniciación e Avanzado)
- Piano 1º grupo (Iniciación e Avanzado)
- Guitarra (Iniciación e Avanzado)
- Clarinete (Iniciación e Avanzado)
- Frauta Doce e Travesa (só Iniciación)
- Trompeta e Trompa (Iniciación e Avanzado)
- Trombón e Tuba (Iniciación e Avanzado)
- Linguaxe Musical 1º grupo (Iniciación e Avanzado)
Semana do 13 ao 17 de xullo:
- Gaita e Percusión Tradicional (Iniciación e Avanzado)
- Canto e Pandeireta (Iniciación e Avanzado, a partir de 17 anos)
Semana do 10 ao 14 de agosto:
- Saxofón (Iniciación e Avanzado)
- Percusión moderna (Iniciación e Avanzado)
Semana do 24 ao 28 de agosto:
- Piano 2º grupo (Iniciación e Avanzado)
- Linguaxe Musical 2º grupo (Iniciación e Avanzado)
Prazos de inscrición por especialidades
É importante estar atento ás datas límite, que varían segundo a materia escollida:
- Ata o 3 de xullo: Violín, Piano 1º grupo, Guitarra, Clarinete, Frauta, Trompeta, Trombón, Tuba e Linguaxe 1º grupo.
- Ata o 10 de xullo: Gaita e Percusión Tradicional, Canto e Pandeireta, Percusión moderna, Saxofón, Piano 2º grupo e Linguaxe 2º grupo.
Prezo, reserva de prazas e material necesario
A taxa de inscrición é de 25 euros por solicitude, e con este prezo pódense elixir ata dúas materias. Se se desexa participar en máis especialidades, é posible cubrir unha nova solicitude adicional.
A inscrición pode realizarse de dúas maneiras:
- Presencialmente, na Oficina de Rexistro do Concello de Monforte, onde se reserva a materia e horario no momento por orde de entrada.
- A través da Sede Electrónica, facendo unha preinscrición reservando especialidade e horario, á espera de confirmación, tamén por orde de rexistro.