Monforte volve abrir as pistas de atletismo da Pinguela

Mediante cita previa, con franxas horarias e limitadas a vinte deportistas en cada quenda


Monforte

O Concello de Monforte abrirá este lunes as pistas de atletismo da Pinguela. A entrada nestas instalacións para a práctica de deporte estará aberta a todo aquel que queira utilizalas, pero coa obriga de concertar cita previa no Concello. Para facilitar o procedemento, o Concello habilitará unha plataforma de reservas a través de Internet. A reapertura das pistas de atletismo foi anunciada este venres polo Concello, que a relaciona coa entrada en vigor o luns do pase de Monforte e o resto de Galicia á fase 1 da desescalada da alerta sanitaria polo coronavirus.

Os portavoces municipais explican que ás pistas poderase acceder unicamente para practicar deportes individuais ou aqueles que se poidan levar a cabo cun máximo de dúas personas, e sempre sen contacto físico e mantendo as distancias de seguridade. Os deportistas que accedan a estas instalacións non poderán ir cos seus adestradores nin con ningún acompañante, coa excepción das personas que teñan algunha discapacidade ou dos menores que precisen a presenza doutra persoa. Tampouco está permitido compartir material con outros deportistas e cada un debe levar da súa casa o que precise. Non se poderán utilizar os baños nin os vestiarios da Pinguela.

As pistas abrirán de luns a venres, agás os días festivos, e de acordo a catro franxas horarias de uso durante as que non poderá haber máis de vinte persoas dentro das instalacións ao mesmo tempo:

Horario de mañá.

  • De 9:00 a 10:00 h. (acceso entre as 8:45 e as 9:45 h.)
  • De 10:15 a 11:15 h. (acceso entre as 10:00 e as 10:15 h.)

Horario de tarde.

  • De 19:00 a 20:00 h. (acceso entre as 18:45 e as 19:15 h.)
  • De 20:15 a 21:15 h. (acceso entre as 20:00 e as 20:15 h.)

A reserva de hora pódese facer a través da páxina web do Concello de Monforte, na sección de deportes/instalacións, directamente en www.sporttia.com ou a través da aplicación sporttia para dispositivos móbiles.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Monforte volve abrir as pistas de atletismo da Pinguela