As compañías Lucecús Teatro e Titiriterra ofrecerán representacións os días 27 e 30
25 dic 2019 . Actualizado a las 13:01 h.Antes que de termine o ano, auditorio do edificio multiusos de Monforta acollerá dúas representacións encadradas no ciclo de teatro profesional Proscenio, promovido pola Deputación, e na programación municipal de cultura e ocio para as festas de Nadal. As dúas funcións comezarán ás seis da tarde. A primeira delas, que será ofrecida este venres, é A verdadeira historia do poeta Manuel de Paderna, da compañía Lucecús Teatro. A obra está baseada en diversos textos do poeta Manuel María —residente en Monforte durante a maior parte da súa vida— e xira en torno á figura dun singular personaxe que traballa de barbeiro e de alguacil municipal, sendo ao mesmo tempo un poeta.
A última representación do ano —o día 30— correrá a cargo da compañía de títeres Titiriterra e será Belarmina, a fabulosa velutina, unha peza que aborda en clave de humor a actual praga da avespa asiática e os problemas da conservación da natureza.
As dúas representacións diríxense a un público infantil e familiar e a entrada será gratuíta.