Chegan a Monforte os bancos contra o acoso escolar

La Voz

MONFORTE DE LEMOS

Catro estudantes do Colexio Novo de Monforte xunto a un dos novos bancos da amizade que ten o centro
Catro estudantes do Colexio Novo de Monforte xunto a un dos novos bancos da amizade que ten o centro

O Colexio Novo de Monforte instala dous "bancos da amizade"

14 oct 2019 . Actualizado a las 12:35 h.

Colexios de todo o mundo teñen un ou máis bancos da amizade, unha idea que xurdiu no ano 2012 en Estados Unidos como unha proposta particular dunha estudante dun centro de educación primaria e que se acabou espallando internacionalmente como unha iniciativa simbólica contra o acoso escolar. O Colexio Novo acábase de converter no primeiro centro educativo da Ribeira Sacra en estrear o seu propio banco da amizade. Ou mellor dito bancos da amizade, porque son dous.

Neste colexio monfortino a proposta fixérona un grupo de familias con nenos no centro. "Propuxéronos pintar un banco da amizade -contan os responsables da escola- para que ninguén se sentise só no cole". Á dirección pareceulle boa idea e déronlles autorización para facelo. E non nun único banco, senón en dous, un para educación infantil e outro para Primaria.

Os promotores da iniciativa traballaron esta pasada fin de semana. Elixiron un banco do recinto xeral do colegio e outro que está no espazo reservado para o tempo de recreo dos pequenos de Infantil. Desmontáronos, lixáronos e pintaronos de novo. Ademais, tamén axudaron ao colexio a recilar en banco de lecturas solidarias unha antiga barra de exercicios de equlibrio.