A compañía de títeres Fantoches Baj representará en Monforte «Os romeiros do caracol»
MONFORTE DE LEMOS
O espectáculo forma parte da programación municipal do Día das Letras Galegas
14 may 2019 . Actualizado a las 12:12 h.A compañía de teatro de títeres Fantoches Baj representará o xoves no edificio multiusos de Monforte ?ás doce do mediodía? a obra Os romeiros do caracol, dedicada á vida e á obra do escritor e etnógrafo Antón Fraguas, protagonista do Día das Letras Galegas. A función forma parte da programación municipal relacionada con esta data, que comprende tamén un festival de música que se celebrará no mesmo local a partir de 19.00 horas do venres. Neste festival actuarán os grupos de gaitas, acordeóns e danza e a coral polifónica do Concello.