Proceden dun centro de educación secundaria de Novara
25 mar 2019 . Actualizado a las 16:52 h.Estudantes dun instituto italiano acaban de chegar a Monforte, onde participan nun intercambio con alumnos dun instituto local. O grupo vén dun instituto da localidade de Romentino, situada na provincia de Novara e próximo á cidade de Milán, no norte de Italia.
Os estudantes italianos de intercambio irán estes días a clases no instituto monfortino A Pinguela e vivirán nas casas dos alumnos deste centro que se inscribiron nesta iniciativa. Os visitantes estudan no centro de educación secundaria Biagio Pascal. É o sétimo ano consecutivo que se celebra este intercambio entre o instituto A Pinguela e o Biagio Pascal.
Este luns pola mañá foi a recepción no instituto e pola tarde tiñan previsto percorrer diferentes lugares de interese da Ribeira Sacra. Para o resto desta semana, os organizadores do intercambio téñenlles preparadas visitas a Ourense, O Grove, Pontrevedra, Lugo, A Coruña e Santiago.