«Idénticas», da produtora monfortina Amanita Films, premio Mestre Mateo ao mellor documental

O fime Idénticas, dirixido por Luis Avilés e producido pola empresa monfortina Amanita Films, foi galardoado como o mellor documental nos premios Mestre Mateo da Academia Galega do Audiovisual. Idénticas conta a historia de Cayetana e Celia, dúas irmás xemelgas de Lousame, de 7 anos de idade, que sufren etereoplaxia ósea progresiva, unha enfermidade extremadamente rara que só afecta a 62 persoas en todo o mundo. As dúas nenas son as únicas xemelgas nas que se detectou esta doenza e ademais son o único caso coñecido no que unha das irmás -Cayetana- experimenta os síntomas, mentres que en Celia a enfermidade non se desenvolveu.

Esta edición dos premios Mestre Mateo tivo tamén un forte protagonismo monfortino grazas aos dez premios conseguidos polo filme La sombra de la ley, dirixida por Dani de la Torre.

Sobre estas liñas, unha imaxe do cartel anunciador do filme Idénticas.

---

---

---