Adeus a Arturiño, o tambor do histórico grupo Os Silvas

O popular músico se enterrado mañá no cemiterio de Monforte


monforte / AGENCIA

O músico Arturo Rodríguez Sampayo -coñecido por Arturiño-, antigo integrante do histórico grupo de gaitas Os Silvas, faleceu en Monforte aos 92 anos de idade. O seu enterro terá lugar o venres no cemiterio municipal. O cortexo fúnebre sairá ás 15.45 horas do tanatorio Raúl para dirixirse seguidamente ao camposanto. Unha vez terminada a cerimonia oficiarase un funeral polo falecido na igrexa da parroquia de San Antonio. Arturo Rodríguez tiña o seu domicilio na rúa Lemavos.

Ao igual que o seu irmán Jesús -tamén membro do grupo Os Silvas-, Arturo Rodríguez era natural da parroquia chantadina de Vilaúxe. O falecido tocaba o tambor, mentres o seu irmán se ocupaba do clarinete. A formación musical á que pertencía foi creada en Vilaúxe na década de 1930. O grupo inicial desfíxose cando Arturo e o seu irmán se estableceron en Monforte en 1951. Sete anos despois formaron un novo conxunto -mantendo o nome orixinal- xunto cos irmáns Alberto e Antonio Sánchez, naturais do municipio de Quiroga. Con diferentes formacións, o grupo seguiu existindo ata tempos recentes e era amplamente coñecido en todo o sur lucense e outras partes de Galicia. A principios deste século era un dos últimos cuartetos tradicionais -gaita de fol, clarinete, tambor e bombo- que quedaban en Galicia.

Na fotografía sobre estas liñas, Arturo Rodríguez -no centro da imaxe- xunto ao célebre gaiteiro Carlos Núñez no Filandón de Músicas do Courel do ano 2000.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
17 votos
Comentarios

Adeus a Arturiño, o tambor do histórico grupo Os Silvas