Este ano foi posible ver por primeira vez na Devesa da Rogueira ao protagonista dos vellos contos galegos de Nadal
01 ene 2018 . Actualizado a las 18:13 h.Esta foto que ven por riba destas liñas é a primeira que se publica do Apalpador saíndo da súa casa na Devesa da Rogueira para visitar aos nenos e deixarlles agasallos. O protagonista dos vellos contos galegos de Nadal baixou o día 30 pola tarde do bosque máis coñecido do Courel.
Os contos sobre o Apalpador, praticamente perdidos ata a súa recuperación hai nove anos, situaban na Serra do Courel a morada mítica desta perxonaxe do Nadal tradicional galego. A pesar diso, no Courel non se organizara aínda ningunha saída do Apalpador. O Concello de Folgoso do Courel e a asociación cultural Fonte do Milagro decidiron que xa era hora de pórlle remedio e preparar a primeira. E pensaron en facela na Rogueira, o bosque máis visitado do Courel, algo así como o equivalente galego de Laponia para o internacional Papá Noel.
Así que ás cinco da tarde do día 30 o Apalpador saiu camiñando entre os árbores xunto á aula da natureza de Moreda, no principal acceso á Devesa da Rogueira, Ía ataviado coa súas humildes roupas de carboeiro e levaba un cesto coas castañas que todos os anos lles agasalla aos nenos. Agardábamo medio cento de veciños, entre eles moitos nenos, que o acompañaron a unha festa da aldea de Moreda.
Ao fío desta primeira saída pública do Apalpador na Devesa da Rogueira, a concelleira de Cultura de Folgoso do Courel, Mari Carmen Vergara, contaba hai uns días a este diario que «moita xente dicía que nos últimos anos o Apalpador está visitando moitos outros lugares de Galicia pero que nunca vén ao Courel, que é precisamente de onde saíu».