Unha casa feita museo para a madeira do Courel

Carlos Cortés
carlos cortés MONFORTE / LA VOZ

FOLGOSO DO COUREL

O artesán Urbano Arza abre en Folgoso unha casa-exposición permanente

28 oct 2014 . Actualizado a las 05:00 h.

Urbano Arza fixo de todo, ata que atopou algo máxico na madeira. Primeiro converteuse en carpinteiro e despois acabou chegando á escultura. Este veciño do Courel levaba anos teimando en abrir un local no que poder expoñer as súas obras. Acaba de abrilo, Trátase dunha casa enteira, con acabados en madeira tan rechamantes que se pode dicir que o propio edificio forma parte da exposición.

O seu propietario chámalle Madeiroteca Máxica e Poética a este museo da madeira que acaba de abrir na localidade de Folgoso do Courel. Os seus amigos da asociación cultural Fonte do Milagro cren que «a propia construción é unha obra de arte». Eles contan que Urbano Arza chegou á escultora polo seu carácter inquedo. «Quixo ir máis aló e facer cousas diferentes», explica Evaristo Méndez.

Portas, mobles e ventás

Despois de anos traballando como carpinteiro e facendo portas, ventás e todo tipo de mobles, o falecemento da súa muller supuxo un cambio importante para el. «Decatouse que a madeira tiña un sentido especial e que el podía descubir o que se agocha dentro de calquera taboa, do tipo que sexa», apunta Méndez.