O autor acaba de publicar o poemario «Tríade», que foi precedido por dúas obras narrativas
11 jun 2026 . Actualizado a las 12:51 h.O escritor Francisco Vázquez Chantada, coñecido tamén como Paco Cabezas, presentará este venres na Casa de Cultura chantadina o seu libro de poemas Tríade. O acto comezará ás 20.30 horas e contará coas intervencións do propio autor, do poeta e artista plástico Xosé Randolfe e da profesora de Literatura e dinamizadora cultural Ánxeles Álvarez. Na presentación colaborará o grupo de teatro Tarumba, da Universidade Laboral de Ourense.
O poemario Tríade, publicado pola editorial Toxosoutos, é a primeira obra literaria que Vázquez Chantada en moito tempo. No ano 2003 apareceu Crónica de Ofiusa, unha obra de literatura xuvenil que foi presentada tamén en Chantada. Con anterioridade publicara a novela A Chazca.