As dúas beiras de Belesar celebran esta fin de semana a festa do viño e as cereixas
19 may 2022 . Actualizado a las 19:35 h.Diz, pintor; Bieito Ledo, editor, ambos os dous nas mesas do Nuevo Derby, restaurante ubicado no corazón de Vigo, moi preto onde outrora estivera o Goya, punto de encontro de ilustres da cidade.
Eusebio Prado, o restaurador que está á fronte, inquieto e soñador, amante do seu berce en terras de Chantada, forma parte da asociacion de Papeiros e Rabudos e propietario da Adega Fontao, unha das catro ubicadas na zona. As outras son Condado Sequeiros, con Francisco Varela; Terras Bendaña, con Porto; e Adegas Fortes, con Xesús Fortes.
Uns e outros alentaron no seu día unha festa para dar a coñecer os dous produtos que mellor se dan neste enclave, chámense viño ou cereixas, ambos os dous cantados polo polifacético nonaxenario Secundino Diz: «Late o mencía entre muras / nos bancales de Belesar / onde maduran as uvas / antes de vendimar».
San Bartolomeu de Belesar, que e así como se chama oficialmente esta freguesía de Chantada, que se mira no espello do Miño e cuxa vecindade reza a San Bartolomeu na igrexa que renaceu a mediados do pasado século a raíz da construción do encoro dos Peares. A mesma que garda e protexe un retablo barroco de 1747, procedente do templo que ficara no fondo das augas por mor da contrucción do encoro.
O río que vén de Fonte Miña divide este fermoso entorno natural ricaz en cerdeiras e cepas, ficando unha parte en O Saviñao e outra en Chantada. As dúas están unidas pola ponte de Belesar, levantada sobre os pilares doutra de orixe medieval, que durante séculos serviu de paso entre Portomarín e Ourense, e que se derrubara noutrora por mor dunhra crecida.
As cepas, carballos e cerdeiras dun lado e doutro míranse nas augas e segundo o pintor de Crecente: «As perlas bermellas / son como beizos acesos/ que parecen bicar/ como se miran nos espellos/ nas augas de Belesar».
Si señor, na próxima fin de semana están alí de festa. Alí onde noutrora foran outras voces convidadas a exaltar os productos no día grande: Sergio Pazos, Mouriño Cuba, Manola Porto, os irmaos Vázquez Portomeñe, Fonseca Moretón, o inesquecible Pepe Posada, entre outras destacadas personalidades do país galego.
O pregoeiro deste ano
Nos vinderos días ecoarán nun lado e noutro do pai dos ríos galegos as verbas dun ourensán afincado na cidade da oliveira que goza da distinción de honra que lle concedera a corporación municipal do Concello de Vigo polo seu compromiso e entrega cultural no campo editorial. Bieito Ledo, con berce ao carón do carballo de Padroso, en Xunqueira de Ambía, forxador de Ir Indo, a editorial que paríu a Enciclopedia Galega Universal e outros moitos títulos, chegará ao mesmo lugar que os peregrinos que elixen o Camiño de Inverno. Con certeza, estará acompañado dun amigo e irmao, o pintor Antón Pulido, para e deixar nas páxinas da historia da Ribeira Sacra, unha estela como as que herdamos de don Ramón Otero Pedraio, cando se dirixía aos galegos e os seus antecesores pregoeiros. Sera na XVI edición nesta fin de semana, a do 21 e o 22 de maio.