A celebración comezou na capital do municipio cun desfile que reuniu máscaras dos carnavais de Salcedo, Viana do Bolo, Bande e Castrelo do Val
18 feb 2019 . Actualizado a las 18:23 h.O tradicional ciclo festivo do Entroido Ribeirao comeza hoxe no municipio de Chantada co Domingo Lambedoiro. Como prólogo da celebración, ao mediodía de hoxe levouse a cabo nas rúas da capital municipal un desfile de máscaras no que participaron os personaxes típicos do carnaval rural chantadino xunto cos entroidos do Oso de Salcedo -na Pobra do Brollón-, Viana do Bolo, Bande e Campobecerros, no municipio de Castrelo do Val.
No parroquia de Santiago de Arriba, onde se conserva actualemente este antigo festexo, os volantes, peliqueiros e mecos farán aparición a partir das 16.00 horas.
O festexo nesta localidade seguirá o mesmo horario de inicio nas seguintes xornadas, o Domingo Corredoiro -día 24-, o Domingo de Entroido -3 de marzo- e Martes de Entroido, o 5 de marzo.