Usuarios da biblioteca poñen en marcha unha orixinal iniciativa para sacar a poesía á rúa e, ao mesmo tempo, conmemorar o Día das Letras
11 may 2022 . Actualizado a las 19:21 h.Quen pase estes días por Bóveda verá que hai árbores dos que penduran follas, pero de papel. Son poemas de Florenzo Delgado Gurriarán, o autor protagonista do Día das Letras deste ano. Os que os penduraron son usuaruios da denominada biblioteca accesible, unha iniciativa do Concello de Bóveda para fomentar a participación nas actividades socioculturais da localidade dos usuarios da residencia local para personas con discapacidades físicas.
Personas que participan na iniciativa da biblioteca accesible comezaron esta semana a poñer en marcha unha actividade que leva por título "Poemas pendurados", que pretende sacar literalmente a poesía á rúa. Os poemas que estes usuarios da biblioteca penduran das árbores están seleccionados entre a obra de Florencio Delgado Gurriarán. As árbores nas que se poden ler estes poemas son as que están no exterior do centro sociocultural.