Salcedo iniciará este sábado o tradicional entroido do Oso

O singular personaxe percorrerá o día 12 as rúas desta localidade do municipio da Pobra do Brollón

.

A parroquia de Salcedo, no municipio da Pobra do Brollón, iniciará o sábado as súas festas de entroido, que polo seu singular valor etnográfico e histórico foron incluídas no inventario do patrimonio inmaterial da Ribeira Sacra realizado recentemente pola Consellería de Cultura de cara á futura declaración deste territorio como paisaxe cultural. O festexo está protagonizado pola figura do Oso de Salcedo, un personaxe que presenta moitas similitudes con outros que aparecen en varios carnavais tradicionais da rexión pirenaica e doutras partes de Europa.

O programa das festas abrirase cunha representación de teatro popular que comezará ás 22.00 horas do sábado no local multiusos de localidade. O domingo haberá outra función teatral no mesmo lugar e co mesmo horario. Previamente, ás 17.00 horas, haberá un baile dos tradicionais personaxes coñecidos como madamas e danzantes e un pasarrúas co grupo de gaitas Os Tocainas. Ás 18.00 horas, o pregón das festas será pronunciado polo actor Avelino González. Ás 20.00 horas comezará un baile co trío Sabor Latino e ás doce da noite unha verbena animada pola orquestra Los Satélites.

O luns 12, o Oso de Salcedo ?acompañado por varios axudantes? percorrerá as rúas da localidade a partir das 16.30 horas, perseguIndo a veciños e visitantes para enzoufarlles a cara con feluxe. Pola noite, a partir das 21.00 horas, haberá unha cea popular e un baile coas orquestras Fania Blanco Show e Nevada.

O Martes de Entroido haberá animacións musicais a partir das 19.00 horas co grupo Imaxinatia, seguidas dunha paellada gratuíta e un baile coa orquestra Gran Parada. Así mesmo, haberá un baile de disfraces con premios individuais, por parellas e para grupos de máis de cinco persoas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Salcedo iniciará este sábado o tradicional entroido do Oso