A Pobra do Brollón prepara a undécima edición do seu concurso de tapas

O certame desenvolverase entre o próximo día 29 e o 6 de decembro

Tapas presentadas a unha edición anterior do certame gatronómico
Tapas presentadas a unha edición anterior do certame gatronómico

O próximo día 29 comezará a undécima edición do concurso de tapas da Pobra do Brollón, que durará ata o 6 de decembro. Nesta ocasión participarán sete establecementos de hostalería, catro deles situados na capital municipal —O Pirata, Avenida, La Vieja Taberna e 1º de Maio—, dous en Salcedo —A Cantina de Julia e A Salanova— e outro en Cereixa, O Fogón. Durante este período, os locais participantes ofrecerán ás tapas presentadas ao certame a un prezo de 1,50 euros. Os clientes poderán votar polas súas preparacións favoritas, escollendo as que levarán os tres premios establecidos nas bases. O uso dos viños da Ribeira Sacra será valorado á hora da concesión dos premios. Entre os clientes que participen na votación sortearase un agasallo consistente nun circuíto termal e unha noite para dúas persoas no hotel Oca Augas Santas de Ferreira de Pantón. A entrega de premios e do agasallo celebrarase o 5 de xaneiro na Casa da Cultura. «Trátase dunha iniciativa xa consolidada no noso concello que permite dinamizar a hostalaría guímara animando a veciños e visitantes a participar coas súas votacións», apunta a Mónica Rodríguez, concelleira de Eventos. Os responsables municipais sinalan ademais que o concurso coicindirá coa ponte de decembro e coa nova edición do certamen de cantos de taberna —o sábado 7 de decembro— polo que esperan que a participación sexa moi elevada.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

A Pobra do Brollón prepara a undécima edición do seu concurso de tapas