Alberte Montes, un actor de Quiroga en «Fariña»


O actor e humorista quirogués Alberte Montes aparecerá mañá no quinto episodio da coñecida serie televisiva Fariña, emitida por Antena 3 e baseada no libro homónimo do xornalista Nacho Carretero. Montes interpreta o personaxe do narcotraficante arrepentido Manuel Padín, cuxo testemuño foi clave para levar a cabo a chamada Operación Nécora, promovida na década de 1990 polo xuíz Baltasar Garzón e o fiscal Javier Zaragoza. O actor quirogués participará tamén nos restantes capítulos da serie.

Natural da localidade de Anguieiros, Alberte Montes reside habitualmente en Barcelona. Ademais de actor de teatro e cinema, ten traballado como guionista, director e locutor. Hai anos actuou nas longametraxes El olivo, de Icíar Bollaín, e REC 4, de Jaume Balagueró. Participou ademais en diversas curtametraxes. Como monologuista de humor ten actuado en diversas localidades do sur lucense.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Alberte Montes, un actor de Quiroga en «Fariña»