Un percorrido de máis de doce quilómetros, pasando por igrexas e grupos de petróglifos

La Voz

LEMOS

11 nov 2015 . Actualizado a las 05:00 h.

A ruta do Coxo de Bulso ten unha lonxitude total de 12,3 quilómetros e discorre polas parroquias de Pinol, Lobios, Santiorxo, Brosmos e Bulso. O percorrido programado para o domingo non cubrirá a totalidad deste itinerario cultural e histórico, senón que se limitará a un traxecto de dez quilómetros. Na camiñada tomará parte un grupo de afeccionados ao sendeirismo de Vigo.

Os participantes reuniranse ás dez e media da mañá xunto á igrexa parroquial de Pinol, na praza do cruceiro. A marcha terá unha duración aproximada de tres horas. A convocatoria está aberta a todas as persoas interesadas e para participar na camiñada non é preciso realizar unha inscrición previa.

Lugares de interese

O itinerario pasa polos dous templos relacionados coa historia do Coxo de Bulso -o santuario de Cadeiras e a igrexa de Brosmos-, así como por varios grupos de petróglifos, algúns dos cales foron descubertos en tempos recentes.