Os amigos do Filandón darán unha homenaxe a unha cantora de Oencia

Manuela Álvarez Prieto ten participado no festival de música tradicional da serra


A asociación de amigos do Filandón de Músicas do Courel celebrará o 3 de maio unha homenaxe á cantora popular Manuela Álvarez Prieto, natural do municipio leonés de Oencia, que participou en varias edicións deste festival, entre elas a última. Os actos celebraranse en Arnado, localidade natal da cantora, que está casada con Francisco Rivera, un músico popular natural de Ferramulín.

Segundo explica Xosé Lois Foxo, promotor do Filandón e deste acto de homenaxe, Manuela Álvarez Prieto -nada en 1928- distínguese por ter conservado e transmitido un grande número de cantares tradicionais en lingua galega de Oencia, estreitamente relacionados cos da zona norte da Serra do Courel. Unha parte deste legado foi recollido no libro-disco Cancioneiro de Oencia e contorna, publicado por Foxo hai dous anos.

A homenaxe comezará ás 14 horas cunha misa na igrexa de Arnado e unha actuación do grupo de gaitas O Recanto de Quiroga. Ás 14.30 haberá un xantar popular. Para participar hai que realizar unha reserva no teléfono 689 892 734.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Os amigos do Filandón darán unha homenaxe a unha cantora de Oencia