A fase final do grupo A dispútase mañán na Pinguela


A fase final da copa Galicia de promesas femenina disputarase mañá a partir das dez no pavillón municipal da Pinguela. A esa hora pódese dicir que se disputará a final anticipada, posto que medirán as súas forzas o Ribeira Sacra Monforte e o Emevé. Ás once e media veranse as caras os conxuntos do Emevé e o Jealsa Boiro Voleibol, mentres que á unha do mediodía pecharán esta fase final o equipo coruñés e a escuadra de Manolo Martínez.

Para esta final da copa Galicia de voleibol o entrenador monfortino poderá contar con todas as súas xogadoras, xa que todas adestraron con normalidade e intensidade. O preparador local incidiu en facetas coma o saque e a defensa, consciente de que se o fan ben poden ter as súas opcións de superar ao Emevé.

Dende Soria, Antía Rodríguez desexa sorte as súas antigas compañeiras. «Espero que todo lles saia ben, e poidan levarse a copa, porque a merecen», indica a actual xogadora da concentración permanente de voleibol.

A directiva do CV Ribeira Sacra fai un chamamento á afección monfortina para que mañá encha as gradas do pavillón municipal de A Pinguela. Os rectores da entidade monfortina entenden que é un intre histórico para o clube creado recentemente. Poden sumar o seu primeiro título co seu novo escudo.

A fase final do grupo C tamén se disputa mañán na Coruña. Esta disputarana o Narón Volea A, o XAV Cambados e as anfitrionas do CV Zalaeta, equipo que parte como favorito.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

A fase final do grupo A dispútase mañán na Pinguela