Imaxes e palabras sobre a traxedia do Campo do Freixo

la voz

O Centro do Viño da Ribeira Sacra acolle desde onte -e por espazo dun mes- unha exposición relacionada cun suceso histórico acontecido en Monforte en outubro de 1941 e praticamente descoñecido ata hai algúns anos. A mostra, denominada Coma silvas que comen muros, está inspirada no fusilamento do factor ferroviario Manuel Pérez Goyanes, condenado a morte por un tribunal militar franquista baixo a acusación de ter provocado na estación monfortina un accidente de tren que só causou danos materiais. Este fusilamento foi a última execución pública cometida na cidade.

A exposición está formada por trece imaxes fotográficas tomadas polo arqueólogo Iván Álvarez Merayo no lugar onde ocorreu o fusilamento, denominado Campo do Freixo. As fotografías están acompañadas por textos dos escritores Lois Diéguez, Olga Novo, Eva F. Ferreira, Xosé Lois García e Marcos Abalde.

A inauguración celebrouse a última hora da tarde de onte ante un numeroso público e contou coa presenza do alcalde de Monforte, Severino Rodríguez, e de Mario Outeiro, delegado de Cultura da Deputación, que suliñaron o seu interese para a recuperación da memoria histórica de Monforte. A exposición foi preparada en colaboración con este último organismo e presentouse anteriormente no Museo Provincial.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos

Imaxes e palabras sobre a traxedia do Campo do Freixo