-Vostede non só pinta, senón que tamén escribe. Sigamos esta vea que ademais xa lle vén de familia, ¿non si?
-Gonzalo López Abente, que foi homenaxeado en 1971 co Día das Letras Galegas, era meu tío avó. Para renderlle homenaxe, escribín o poemario Cavilacións ecolóxicas, que contén ilustracións de Siro López. Presentouno en abril o presidente da Real Academia Galega, Xosé Ramón Barreiro, en compaña do editor de La Voz de Galicia, Santiago Rey Fernández-Latorre.
-Pero vostede tamén admira ao noso Álvaro Cunqueiro.
-En 1997, quedei finalista no premio Torrente Ballester da Deputación da Coruña con La Crónica de un viajante.
-¿Que novidades literarias súas nos agardan?
-Está a piques de saír do prelo De las tinieblas a la luz; só falta a confirmación de Seix Barral.
-E despois, ¿un descanso?
-En absoluto. Amais de seguir pintando, xa estou escribindo outra novela, esta en galego; cun título que di abondo: Retorno ao paraíso.
-Pérdense moitos artistas no camiño, ¿non é? ¿Que lles recomendaría aos creadores que están empezando?
-Que non perdan o ánimo e que perseveren ata conseguir o que se propoñen.