¿Ten Lugo atractivo turístico?

A cita O Club Cultural Valle-Inclán programou dúas mesas redondas con expertos sobre os valores patrimoniais e naturais da capital lucense


lugo

?Lugo conta para os circuítos turísticos? ¿En que se erra á hora de vender a cidade? ¿Temos suficientes atractivos para que veñan os visitantes á capital lucense? Estas e outras cuestións poranse enriba da mesa no transcurso dos dous debates que o Club Cultural Valle-Inclán programou para o luns e o martes na Galería Sargadelos, a partir das oito da tarde.No primeiro día, segundo explicou o presidente do colectivo, Xerardo Pardo de Vera, participarán os especialistas, que exporán os valores naturais, arqueolóxicos, monumentais e históricos que posúe Lugo, «pese á maioría dos políticos», dixo Pardo de Vera. A mesa redonda estará integrada polo historiador Adolfo de Abel Vilela; o xefe do Servizo de Espazos Naturais da Xunta, Antonio Callejo; o arqueólogo Francisco Hervés; o director de Halcón Viajes, José Manuel Lozano; e contará coa moderación do director do Museo de Viladonga, Felipe Arias. Ao día seguinte, en palabras de Pardo de Vera, intentarán deseñar as accións para tentar a rendibilidade económica e social. Participarán a edila de Cultura, Concepción Burgo; a xefa do Servizo de Turismo da Xunta, Paloma Vázquez; o director do Hotel Méndez Núñez, Jacobo García-Bobadilla; o director de Halcón Viajes, José Manuel Lozano; e actuará como moderador o propio presidente do Valle-Inclán. Os membros do club cultural esperan que ambas xornadas, abertas a todo o público, sirvan de debate e podan arroxar ideas e proxectos de futuro. «Temos que falar dos nosos valores e logo saber vendelos», afirmou Pardo de Vera. O presidente do colectivo cultural lembrou como en1994 organizaron unhas xornadas sobre que se podía facer para conservar e promover a Muralla de Lugo. «Ninguén se facía cargo dela, uns e outros pasábanse as responsabilidades, e nós fixemos un debate sobre quen se facía cargo do monumento romano», sinalou Xerardo Pardo. Cre que nestes intres é un bo momento para debater sobre o turismo cultural e de calidade para Lugo. «Outros, coa décima parte do que temos nós, sácanlle máis rendemento», explicou.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

¿Ten Lugo atractivo turístico?