As reportaxes publicadas pódense votar sempre

Os textos, logo de chegar á web de Prensa-Escuela, poden ser votados e compartidos durante o curso

As persoas que queiran, e non o fixeran xa, poden seguir votando a reportaxe dos monfortinos ata final de curso
As persoas que queiran, e non o fixeran xa, poden seguir votando a reportaxe dos monfortinos ata final de curso

Cada mércores, a web de Prensa-Escuela vístese de Periodismo na Escola, con reportaxes feitas polos alumnos participantes neste proxecto, e xusto 24 horas despois (exceptuando cinco xoves de maio e xuño) a páxina volve á normalidade coa Noticia do día. Pero que desapareza da zona central da web non quere dicir que o texto se perda. Todo o traballo desenvolvido polos alumnos de secundaria dos centros participantes permanecerá gardado e será de fácil acceso.

Na parte dereita da web de Prensa-Escuela hai un apartado dedicado a Periodismo na Escola. Alí quedarán os traballos dos estudantes, listos para ser consultados e, sobre todo, votados e compartidos por quen non tiveron tempo durante o mércores ou, simplemente, se decataron máis tarde. En principio, e para que ese colector de reportaxes non ocupe toda a columna, só haberá dúas á vista identificadas polo nome do centro, e o resto quedan minimizadas baixo a pestana Ver máis.

OS VOTOS, FUNDAMENTAIS

As dúas que permanezan á vista serán os que teñan máis votos. Isto é moi importante, porque neste programa participan vinte centros educativos de toda Galicia e gañará o que máis votos consiga.

Estes pódense achegar sen facer ningunha identificación. O sistema usa o que se denominan cookies técnicas, un modelo que non é tan exacto como a inscrición no programa a través do correo electrónico, pero que, a cambio, garante o total anonimato dos votantes. Este punto é moi importante, tendo en conta que os xornalistas e gran parte do público que vota son menores de idade, o que obriga ás maiores medidas de protección de datos posibles.

En canto ao período de votación, esténdese durante todo o curso. O derradeiro centro publicará o mércores lectivo final, o 17 de xuño, e ata que pase esa data non se saberá que participante gañou este proxecto que leva o xornalismo ás aulas.

Hai que recordar que o equipo gañador verá a súa reportaxe publicada no papel, nas páxinas da edición xeral de La Voz de Galicia, o que lle permitirá ter unha audiencia potencial de 500.000 lectores. Ademais, o profesor ou profesores implicados serán entrevistados amplamente tamén nas páxinas de información xeral de La Voz para que compartan a súa experiencia.

161 VOTOS

O traballo dos alumnos do Torre de Lemos, de Monforte, contou, nesta primeira semana do proxecto, cun total de 161 votos (a día de onte). As persoas que queiran, e non o fixeran xa, poden seguir votando a reportaxe dos monfortinos ata final de curso.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

As reportaxes publicadas pódense votar sempre