152 millóns de nenos son vítimas do traballo infantil en todo o mundo

Hoxe abordamos un tema de especial interese educativo e social. Educativo, porque carecen de escolas e incluso de tempo e posibilidade de ir a elas, no caso de que existan. Social, porque, a pesar de estar aí desde hai multitude de anos, poucos fan algo para que a situación mellore. Podemos axudar en algo, ou simplemente coñecelo? Moitos si se comprometen, incluso utilizando parte das súas vacacións para colaborar coa súa presenza a mellorar a situación. Que podemos facer? Ou esas preguntas de axudar aos demais non entran no exame?

Nenos traballando con adultos nunha mina en Assam (a India)
Nenos traballando con adultos nunha mina en Assam (a India) Jan Pierre Laffont

1. Datos e cifras

En todo o mundo, 218 millóns de nenos de entre 5 e 17 anos están ocupados na produción económica. Entre eles, 152 millóns son vítimas do traballo infantil e case a metade, 73 millóns, están en situación de traballo infantil perigoso. En termos absolutos, case a metade do traballo infantil (72 millóns) concéntrase en África, 62 millóns en Asia e o Pacífico, 10,7 millóns nas Américas, 1,1 millóns nos países árabes e 5,5 millóns en Europa e Asia Central.

En termos de proporcións, un de cada cinco nenos de África (19,6 %) traballan, mentres que noutras rexións o medio oscila entre o 3 e o 7 %: un 2,9 % nos Estados árabes (1 de cada 35 nenos), un 4,1 % en Europa e Asia Central (1 de cada 25),un 5,3 % nas Américas (1 de cada 19) e un 7,4 % na rexión de Asia e o Pacífico (1 de cada 14).

 

2. Idades

Case a metade dos 152 millóns de nenos vítimas do traballo infantil teñen entre 5 e 11 anos, 42 millóns (28 %) teñen entre 12 e 14 anos e 37 millóns (24 %) entre 15 e 17 anos.

A proporción do traballo infantil perigoso é maior nos nenos de entre 15 e 17 anos. Con todo, unha cuarta parte dos nenos ocupados no traballo infantil perigoso (19 millóns) son menores de 12 anos.

 

3. Nenos e nenas

Dos 152 millóns de nenos en situación de traballo infantil, 88 millóns son varóns e 64 millóns son nenas. Os homes representan o 58 %, e o 62 % dos de ambos os sexos que realizan traballos perigosos.

Obsérvase que os nenos corren máis riscos que as nenas de verse involucrados no traballo infantil, pero esta apreciación pode deberse a que o traballo das nenas non sempre se declara, especialmente no caso do doméstico.

 

4. Tipo de traballo

O traballo infantil concéntrase en primeiro lugar na agricultura (71 %), que inclúe a pesca, a silvicultura, a gandería e a acuicultura, e comprende tanto a agricultura de subsistencia como a comercial; o 17 % dos nenos en situación de traballo infantil traballan no sector de servizos; e o 12 % no sector industrial, en particular na minería:

  • https://bit.ly/308zIQn

 

5. Carteis da OIT e vídeos da ONU

5.1 Os nenos non deberían traballar no campo, senón nos seus soños!:

  • https://bit.ly/2Ik25Tz

5.2 Os robots substitúen aos nenos como xinetes nas carreiras de camelos e sálvanos:

  • https://videos.un.org/es/tag/trabajo-infantil-nino/

5.3 A Organización Internacional do Traballo (OIT) calcula que existen no mundo uns 152 millóns de nenos traballadores no 2018. Moitos destes nenos enfróntanse coa pesada carga de ter que gañar un salario para sustentar ás súas familias. Para aliviar esta situación en Madagascar, a OIT puxo en marcha un programa que axuda aos nenos traballadores a mellorar a súa situación e a ter acceso á capacitación:

  •  https://bit.ly/2wFortf

5.4 Máis de 200 nenos soldados foron liberados dos grupos armados do Sudán do Sur. O proceso, apoiado por Unicef, culminará coa posta en liberdade de case mil nenos.

  • https://bit.ly/2Mv9eGd

 

6. Un documento clave  para o estudo

A future of Work without child labour (ILO: International Labour Organization).

Importante: o documento é longo e serve para un estudo sosegado na aula, ao longo do curso, mais agora estamos nos últimos días. Aí queda e pasarémolo completo ao ficheiro de Estudo de Noticias de La Voz de la Escuela. Contén preto de 30 puntos diferentes, cuxo texto poderá verse coa súa respectiva imaxe na dirección dixital indicada e a súa versión en español.

1. A loita contra o traballo infantil é unha prioridade para a OIT desde a súa creación, en 1919. Un dos primeiros convenios da OIT adoptado ese ano foi o número 5, sobre a Idade Mínima de Admisión ao Emprego na Industria.

2. Cada decenio, desde 1919, a OIT adopta unha nova norma internacional sobre o traballo infantil. En 1973 adoptou un convenio consolidado, o número 138, sobre a Idade Mínima de Admisión ao Emprego ou ao Traballo.

3. O convenio sobre a idade mínima establece un claro vínculo entre esta e a idade en que cesa a obriga escolar (normalmente, 15 anos). Prevé así mesmo unha idade mínima para o traballo perigoso (18 anos).

4. En 1989, as Nacións Unidas adoptaron a Convención sobre os Dereitos do Neno, que subliña a importancia de combater o traballo infantil.

5. A creación do Programa Internacional para a Erradicación do Traballo Infantil (IPEC) en 1992 marca unha nova era para a OIT. O mandato do IPEC era desenvolver as capacidades nacionais para facer fronte ao traballo infantil e promover un movemento mundial a fin de combatelo. Nos anos seguintes, o IPEC converteuse no maior programa mundial contra o traballo infantil.

6. O traballo infantil priva os nenos do seu dereito a unha educación de calidade, a xogar e a estar protexidos contra os perigos. A declaración da OIT relativa aos principios e dereitos fundamentais no traballo de 1998 proclama a erradicación do traballo infantil como un dereito humano fundamental, que todos os Estados membros se comprometen a respectar.

  • «Un futuro do traballo que proporcione ingresos decentes e sostibles para todos non pode lograrse sen a eliminación do traballo infantil. A consecución do obxectivo que se estableceu cando a OIT celebrou a súa primeira reunión hai 100 anos (a abolición do traballo infantil) é factible, pero agora é preciso adoptar medidas urxentes a fin de asegurar o logro dese obxectivo de aquí ao 2025. Debemos actuar agora!».

Texto Completo sobre traballo infantil:

  • https://bit.ly/2XtzUI8

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

152 millóns de nenos son vítimas do traballo infantil en todo o mundo