Os primeiros debates en La Voz sobre a toponimia galega, en 1969: «Tierra Llana por Terra Chá, ¡qué horror!»

«¿Qué tal si dijésemos Puentevedra? ¡Sería ridículo! Pues, eso, a normalizar la situación». A finais dos sesenta comezaron a aparecer en La Voz artigos que pedían a restitución do nomenclátor orixinal das vilas galegas. Aínda que o franquismo seguro que colaborou na perpetuación dos «topónimos barbarizados», como os chamaban algúns, o expediente X de «Rianjo», «Ginzo» ou «Sanjenjo», entre outros, aparecía xa moito antes nas nosas páxinas.