O 35 % dos centros optan por libros en castelán para materias que deberían impartirse en galego, según A Mesa
GALICIA
Denuncian que a distribución horaria das linguas en Secundaria non é equitativa, e que empeora co uso do libro de texto electrónico
20 mar 2023 . Actualizado a las 16:27 h.Un informe elaborado pola Mesa pola Normalización Lingüística conclúe que o 35 % dos centros educativos públicos de Galicia elixen libros de texto en castelán para materias que deberían impartirse en lingua galega.
O estudo, elaborado pola estudante de Filoloxía Galega Nuria Fouciños e coordinado polo presidente da Mesa, Marcos Maceira, analiza e compara os proxectos lingüísticos publicados nas páxinas web dos centros educativos, que inclúen os libros e manuais que se empregan nas distintas materias, e expoñen o programa e as medidas relacionadas co fomento da lingua galega nos centros, así como qué materias se imparten en cada idioma. O informe comprobou que o 60 % dos centros educativos teñen esos proxectos desactualizados (deben renovarse cada catro anos), ou directamente non ofrecen información ao respecto. Nesa liña, Maceira denuncia que «non existe» a inspección e avaliación que a Consellería de Educación tería que facer sobre estos proxectos.
Respecto á distribución horaria das materias en Educación Secundaria, Maceira asegura que non se cumpre o reparto equitativo de horas para cada lingua que marca o decreto do plurilingüismo. Así, afirma que as leis educativas estatais, tanto a Lomce como a Lomloe, «outorgan maior carga horaria a aquelas materias nas que o uso do galego está directamente prohibido».
A xuízo da Mesa, o emprego dos libros de texto dixitais, no coñecido en Galicia como programa Edixgal, empeora a situación, xa que a presenza e diversidade de materiais en castelán é «moi superior», cando non exclusiva, o que leva a un total de 52 horas de castelán no conxunto da ESO, fronte ás 29 horas en galego, e as 16 noutras linguas. Afirman que Edixgal inclúe «un novo veto ao galego» ao introducir o castelán en sete novas materias, algo que «incumpre o marco legal e frustra calquera intento do profesorado por corrixir esta situación».
A plataforma acusa á Xunta de levar a cabo «unha política de eliminación paulatina, intencionada e calculada da lingua galega nas clases» e de manter unha «actitude negativa constante cara a avaliación do funcionamento do decreto», unha norma que, a pesar de ser propia, leva «trece anos incumprindo sistematicamente».
Como exemplo dese incumprimento sistemático, citan o compromiso nunca realizado de desenvolver un plan de formación que garanta a todo o persoal dos centros educativos de Galicia e dos servicios de apoio unha competencia oral e escrita suficiente para se comunicar e levar a cabo a súa actividade profesional en galego, así como ter un coñemento da situación sociolingüística de Galicia.