Ana Pontón: «Na miña casa e na aldea son Belén»

Sandra Faginas Souto
sandra faginas REDACCIÓN

GALICIA

Ana Pontón posa diante dun hospital público para honrar aos sanitarios
Ana Pontón posa diante dun hospital público para honrar aos sanitarios XOAN A. SOLER

A portavoz nacional do BNG di: «De pequena dábame rabia ser tan alta, pero agora estou encantada»

26 jul 2021 . Actualizado a las 00:07 h.

Non hai quen consiga prender o lume do seu horóscopo, Leo, porque Ana Pontón (Sarria, 27 de xullo de 1977) é por riba de todo «unha muller tranquila», talvez —confesa— porque fixo moito ioga e moita meditación. Agora, a piques de cumprir os 44, está entregada no persoal á crianza da súa filla de 18 meses, Icía, «unha nena moi alegre» a quen aínda lle dá o peito.

—En homenaxe a vostede, hoxe puxen unha «chaqueta Pontón». Marcou un estilo!

—Non sei se tanto, a min gústame e vou moi cómoda.

—Non será unha «cambiachaquetas»?

—[Ri] Non, levo no mesmo sitio desde os 16 anos.

—Véndoa de preto, si que mira por riba do ombro!