Luís Villares: «Xa en faena, estou animado a seguir a traballar por un proxecto ilusionante»

Se o plenario o decide, gustaríalle presentarse de novo para servir a todos os galegos, «ata aos que votan ao PP»


santiago / la voz

Aínda que marcha ao grupo mixto e deixa a marca do grupo parlamentario en mans dos críticos, Villares non renuncia á política e non descarta presentarse de novo as autonómicas, mesmo co nome En Marea, se así se decide no plenario que o consello das mareas convocou para o 13 de xullo. «Xa metidos en faena, estou animado a seguir a traballar por un proxecto ilusionante», recoñece.

-Difícil decisión rachar co grupo. Cando o acordou?

-Teriamos que telo feito antes. Perdemos un tempo moi valioso para explicar que eramos unha oferta política diferenciada da de Podemos. Creo que houbo dous momentos clave. O primeiro, o caso Quinteiro. Aí púxose en cuestión a nosa ética política e por primeira vez deuse un aliñamento que respondía a cuestións partidarias. A Paula Quinteiro, aínda que o sentir do grupo era que tiña que irse, se lle sostivo só por un cambalache político interno entre eles e porque era deputada de Podemos. Eu optei por dar a miña opinión aínda que quedei en minoría. Botando a vista atrás creo que ese era o momento de facer o punto e aparte. O segundo momento foi no grupo parlamentario en Madrid; a voceiría de Fernán Vello foi inexistente porque Podemos non lle quixo dar voz, e desa revolveuse Beiras e foi cando intentamos polas boas desbloquear esa situación, e foi imposible. E todo iso coincidiu con Vistalegre II, coa radicalización do discurso de Iglesias e a purga interna. E nós non somos de Podemos, pero arrastrounos. A consecuencia foi que se destruíron as confluencias e fomos unha vítima máis, e o digo con pena. Agora aínda nos queda tempo, no grupo mixto, de explicar cal é o programa de En Marea.

-As liortas e a confusión entre siglas e candidaturas puido influír nos malos resultados electorais?

-As mareas estabamos no imaxinario social galego metidas dentro do espazo político de Podemos. Iso arrastrounos porque o ciclo político de Podemos é descendente, daba igual que foran mareas afíns a Anova, a En Marea ou a quen fose. Cometemos o erro de non separarnos a tempo nas xerais, fixémolo quince días antes e pola porta de atrás. E despois está o de Anova, que quedou fóra. O desprezo de Podemos e o ninguneo a Anova é para min o máis incomprensible. Cómo Anova se deixa ningunear facendo seguidismo de Podemos que os maltratou politicamente. Tan incomprensible que a maior parte dos cadros de Anova acabaron en En Marea, que é o proxecto orixinario de Beiras.

-Que farán no grupo mixto?

-Falar de política e non de nós mesmos. Pensamos que nos merecemos unha oportunidade de representar á xente que nos votou, porque a segunda forza política de Galicia nunca puido exercer como tal. Mantivemos moito tempo un discurso centrado na idea da exclusión social e creo que deixamos de prestar atención a outra moita xente que tamén ten dificultades; non chegar a fin de mes tamén é un problema das clases medias que se empobreceron na recesión. É necesario non ocuparse só dos excluídos do sistema senón dos que hoxe constitúen o sistema, e iso obríganos a non falar como antisistema porque estamos a referirnos ao centro mesmo da sociedade. Diso fálase pouco.

-Renega logo do rupturismo?

-Penso que iso hai que sometelo a revisión. En Marea ten que buscar unha nova caracterización. Romper ten un significado negativo e para nós é necesario construír. Penso que iso hai que sometelo a revisión. En Marea ten que buscar unha nova caracterización. Romper ten un significado negativo e para nós é necesario construír. Queremos construír en positivo desde Galicia unha democracia social amable, ecolóxica e feminista que non deixe a ninguén atrás. 

«Díxenlle a Martiño que o seu inimigo non era eu, que era Bugallo. E ten as portas abertas»

No plenario, En Marea preguntarase se hai unha demanda electoral que non estea cuberta; e se é así, Luís Villares está disposto a presentarse de novo á presidencia da Xunta.

-Vostede pensa que si hai esa demanda?

-Hai un Partido Socialista que non é suficientemente social, e un Podemos que se está indo á esquerda. E no espazo progresista amplo queda un oco orfo en Galicia que tampouco pode cubrir o BNG.

-Por que? Que diferenza o seu proxecto do BNG?

-A idea nacional do BNG non é a nosa idea do país. Nós mantemos unha idea de país descritiva, non prescritiva; nós non dicimos quen é bo ou mal galego. A nós parécenos marabillosa toda a poboación, tanto se nos vota como se non. Outros pensan que a xente é intelixente só cando lles vota a eles. Eu mesmo fun dos excluídos por ese reducionismo do Bloque e tiven unha temporada longa de orfandade política.

-Terían cabida os alcaldes das mareas nese proxecto?

-Erraron por prescindir de En Marea, a segunda forza en Galicia. Xa lle dixen a Martiño Noriega que o seu inimigo non era eu, que era Bugallo. E ten as portas abertas.

-Pensa posible gañar a Feijoo?

-Si, absolutamente. Creo que aínda que o PP en Galicia ten algunha diferenza co estatal, hai síntomas de esgotamento do PP. A desertización do territorio, a emigración, a natalidade... Son evidencias dun modelo que nos está a facer implosionar como país. O PP levounos a iso. Por máis que disimulen, as cousas vense, todos temos na familia un emigrado ou un enfermo.

En Marea se parte: Villares y sus diputados se van al grupo mixto

Juan Capeans
;
Villares y sus diputados se van al grupo mixto Renuncian a nombrar senador, el motivo por el que se ha quebrado el primer partido de la oposición; el PSOE será el nuevo segundo mayor grupo. Otra diputada anuncia su marcha del Parlamento

Renuncian a nombrar senador, el motivo por el que se ha quebrado el primer partido de la oposición; el PSOE será el nuevo segundo mayor grupo. Otra diputada anuncia su marcha del Parlamento

Ruptura definitiva en En Marea. El primer partido de la oposición en Galicia, con 14 diputados, se divide definitivamente. Luís Villares, el portavoz del grupo, ha decidido pasarse junto a sus tres diputados afines al grupo mixto. Era algo que se venía advirtiendo en las últimas semanas, y que ha terminado por precipitar esta ruptura definitiva, que acaba de anunciar el propio Villares en rueda de prensa. Los críticos se quedan con la marca En Marea, según ha explicado el dirigente. 

Junto al juez en excedencia Luís Villares, se van al grupo mixto Paula Verao, Pancho Casal y Davide Rodríguez, que se habían manifestado en contra de la designación de Sande como senador autonómico. En lo que respecta al senador, el portavoz del grupo ha anunciado que renuncian y dejan la propuesta de los críticos (que han seleccionado a José Manuel Sande, de Marea Atlántica), pero trasladará el nuevo escenario a la Mesa del Parlamento en las próximas horas para que decida. Villares asegura que seguirán defendiendo a En Marea con un proyecto propio en las próximas elecciones, pero son los críticos quienes se quedan ahora con el nombre. 

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
11 votos
Comentarios

Luís Villares: «Xa en faena, estou animado a seguir a traballar por un proxecto ilusionante»