Félix Rubial: «Se aparece un médico de familia, paramos a entrevista e contrátoo»

O xerente da área sanitaria de Vigo asegura que o problema real dos centros de saúde é a carencia de médicos para contratar substitutos


Vigo / la voz

O xerente da área sanitaria de Vigo afronta tranquilo unha crise que non paraliza a asistencia, pero que ten un enorme poder simbólico. Félix Rubial (A Estrada, 50 anos), que xa viviu outras crises, como a apertura do Hospital Álvaro Cunqueiro, asegura que xa se tomaron algunhas medidas para mellorar a atención primaria.

-Dimitiron 23 xefes de servizo e unidade dos centros de saúde de Vigo. Séntese interpelado?

-[Pensa] Non. Non me sinto interpelado. É algo respectable, pero non o compartimos. Non estamos dispostos a desprezar todo o coñecemento, o criterio e a traxectoria de xefes que levan comprometidos moitos anos coa atención primaria.

-Entón que pasa agora?

-Temos que analizar cada realidade individualmente porque non coñecemos os termos da dimisión, e para ver qué reivindicacións se poden aplicar a cada centro. Se hai dimisións, a dirección asume a coordinación.

-Poden aceptar unhas dimisións e outras non, todas, ningunha? Hai un prazo para nomear novos xefes?

-Hai que analizalo caso a caso e non temos présa. Pero insisto: os xefes forman parte da solución.

-Se son parte da solución, por que isto non se parou?

-Pois non o sei. O que subxace aquí é unha realidade que sería ideal para calquera profesión: non hai paro. Isto impide facer calquera substitución que non sexa en urxencias. Non podemos substituír sistematicamente baixas ou permisos. Creo que eles son conscientes e que isto non nos acontece só en Vigo e Galicia, senón en toda España. Non é unha cuestión de diñeiro: temos o orzamento máis alto da nosa historia en atención primaria.

-Cun matiz: iso inclúe o prezo dos fármacos, que sempre crece.

-Claro. A farmacia é a tecnoloxía de atención primaria e hai que imputárllela a quen a usa. Pero isto non é un problema de recursos económicos. Se a min se me presenta agora un médico de familia ou un pediatra, interrompo a entrevista e contrátoo. Porque temos posibilidade de facelo. O problema é que non os hai!

-E que fai o Sergas ao respecto?

-O Sergas adoptou medidas: a ampliación da idade de xubilación, a proposta da ampliación das prazas mir... O conselleiro dixo que se están analizando alternativas á contratación. Hai que atopar medidas a medio prazo.

-Pero os xefes falan de necesidades a curto prazo.

-Temos adoptado moitas solucións dentro do plan estratéxico da área sanitaria, no que eles participaron. Somos a única área de Galicia e das poucas de España cun sistema de triaxe para clasificar a sobredemanda nos centros de saúde, para priorizar os pacientes que acoden sen cita ao centro de saúde.

-Os colectivos profesionais din que hai médicos porque á última oposición de familia apuntáronse 800.

-Pero non son do paro, son xente que xa está traballando... Eu ofrezo unha interinidade de pediatría en Cangas e non se cobre.

-Deteriórase a asistencia sanitaria, como din os médicos?

-Eu estou convencido de que non. Non está en discusión a calidade da asistencia, o que se cuestiona é que a ausencia de substitutos provoque que, se seguimos facendo o mesmo, os profesionais se saturen.

-Pero estaremos de acordo en que, se un médico ten 80 pacientes, o número 80 non recibe a mesma calidade que o primeiro...

-As axendas son de 37 e, se un profesional ten que asumir a cota doutro, son outros 37. E mais algunha urxencia... poden ser 80. Pero as prolongacións son voluntarias. No ámbito hospitalario tamén hai xente que opera pola mañá e pola tarde e non rachamos as vestiduras.

-Á marxe de que sexa voluntario e retribuído, esa realidade non lle afecta á calidade?

-Eu estou convencido de que non, porque creo na profesionalidade e no compromiso. Pode haber momentos puntuais de saturación.

-Entón, coincide no diagnóstico de que o sistema se sustenta no sobreesforzo dos profesionais?

-Non me atrevería a falar de sobreesforzo de maneira sistemática. Hai prolongacións voluntarias. Sustentado no sobreesforzo? Eu cambiaría por sustentado na voluntariedade. Pero o sistema non só é os profesionais, tamén son os recursos que pon a Administración: a tecnoloxía, as instalacións, os recursos organizativos...

-Cal é a cota media?

-Arredor de 1.350 pacientes por médico de familia. Hai centros cunha media de mil... e outros con 1.600. Os médicos poden regular a demanda, facendo educación sanitaria.

-Dicirlle á xente que non vaia?

-Hai cuestións que si teñen que explicarlle á poboación: dicirlle que se ten un determinado problema pois igual non lle toca ir.

El deterioro de la primaria y conflictos laborales cercan a la sanidad gallega

e. álvarez/ D. sampedro

El sindicato O'Mega cifra en 750 las operaciones aplazadas por la huelga en nueve días

La sanidad gallega atraviesa un momento delicado. Los frentes abiertos se multiplican. El más grave, la dimisión en bloque de 22 jefes de centros de salud de Vigo, por el «deterioro insostenible» y el «sobreesfuerzo que deben afrontar los profesionales». Los médicos escenificaron su renuncia en el colegio oficial de Pontevedra, pero poco tardó el Consello Galego, que agrupa a los cuatro colegios médicos, en respaldar estas críticas. De hecho, asegura que esta protesta «es compartida por el conjunto de la colegiación en ese ámbito asistencial». El Consello Galego desmiente las justificaciones de la consellería, que asegura que no hay médicos ni pediatras para contratar, y pone como ejemplo otras comunidades que sí han llegado a acuerdos con sus profesionales. «No afrontar los problemas solo contribuye a generar malestar y conflicto», denuncian. Exigen financiación suficiente y racionalizar la creciente demanda sanitaria de los ciudadanos.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
17 votos
Comentarios

Félix Rubial: «Se aparece un médico de familia, paramos a entrevista e contrátoo»