Urxencias sociais e nacionais


Oano arranca coas mesmas urxencias sociais e de país coas que rematamos. A prioridade do BNG é traballar desde todos os ámbitos para dar solucións aos problemas dos galegos e das galegas e por unha Galiza con emprego e benestar social.

Empezando pola loita contra a desigualdade e a pobreza nun país con 375.000 fogares por debaixo dos 600 €/mes. Nun contexto de pobreza, paro e precariedade defendemos unha renda de garantía social. Imprescindible ter o control de todos os nosos recursos para decidir aquí as prioridades de gasto, cun novo modelo de financiamento e unha facenda e banca galegas. Iso debería defender Feijóo na prevista conferencia de presidentes.

A loita contra a violencia machista, urxencia absoluta, porque ningunha sociedade pode terse por civilizada mentres ás mulleres son discriminadas e acosadas mesmo ata ser asasinadas. Propoñemos pasar de 5 a 95 millóns de euros os recursos nos orzamentos de 2017 e revisar todo o que, é obvio, non está funcionando á hora de protexer ás mulleres.

Blindar os servizos públicos e os recursos para dependencia, de aí a insistencia en contar canto antes cun novo sistema de financiamento. Non cesaremos ata conseguir unha AP-9 galega como primeiro paso para acabar coa estafa das peaxes e non máis discriminacións cun AVE que outros teñen desde hai décadas.

Este ano será o da consolidación da recuperación do proxecto nacionalista que representamos, tras o apoio nas pasadas eleccións galegas na que miles de persoas volveron mirar para o BNG como a alternativa seria, fiable e solvente. Teñen o meu compromiso e o de toda a organización de que imos dar o mellor para estar a altura desa confianza e dese apoio.

Por Ana Pontón Portavoz do BNG

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
25 votos

Urxencias sociais e nacionais