Jorge G. Marín: «Non se pode desmontar unha sociedade patriarcal da noite para a mañá»

Este sociólogo evoca a metáfora do iceberg para explicar que, ao final, os casos máis severos son só unha pequena parte dun problema, o do machismo, que se manifesta de moitos xeitos diferentes

Marín es sociólogo en la Universidade de Santiago.
Marín es sociólogo en la Universidade de Santiago.

santiago / la voz

O sociólogo da Universidade de Santiago Jorge García Marín evoca a metáfora do iceberg para explicar que, ao final, os casos máis severos son só unha pequena parte dun problema, o do machismo, que se manifesta de moitos xeitos diferentes.

-¿Están os máis novos reproducindo roles machistas aínda que se lles eduque para non facelo?

-É normal que os máis novos reproduzan roles clásicos de ser home e ser muller porque o entorno que nos rodea aínda ofrece modelos moi estereotipados. Na súa socialización están vivindo de arquetipos clásicos.

-¿Non educamos en igualdade?

-Educar corresponde ao sistema educativo, que non ten que traballar necesariamente dende unha óptica feminista, pode traballar dende o que consideran unha neutralidade, pero é unha neutralidade machista. En segundo lugar, a familia, moitas veces o que fai é reproducir un rol no que xa se moveu toda a súa vida. Logo hai outros centros de socialización, como o grupo de iguais ou os medios de comunicación, que dan modelos, e son modelos moi perigosos. Se algún destes axentes non rompe unha socialización tan ríxida nestes modelos estamos sendo educados neses modelos dun xeito moi inconsciente.

-¿Que habería que facer?

-Todos temos responsabilidade. Hai medios que están dando pasos adiante con códigos éticos, no sistema educativo cónstame que hai profesionais que traballan na liña da coeducación e tamén hai familias que se preocupan por dar modelos igualitarios. Evidentemente, non se pode desmontar unha sociedade patriarcal que vén do inicio dos tempos da noite á mañá. Non debemos esquecer que o feminismo leva moitos anos traballando pola igualdade e acadáronse algunhas conquistas.

-¿A sociedade só é consciente dos casos máis graves de machismo e de violencia machista?

-As mortes son unha pequena parte da dimensión do problema, o problema é outro. Si que hai pequenas cousas que forman parte do noso cotián que son o primeiro elo que conduce a lexitimar a superioridade masculina: o control da roupa ou dos horarios, pero tamén que os homes temos máis tempo libre e os mellores postos de decisión. Hai miles e miles de procesos que conducen ao que chamamos androcentrismo, a concepción da sociedade dende un punto de vista masculino.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
51 votos
Comentarios

Jorge G. Marín: «Non se pode desmontar unha sociedade patriarcal da noite para a mañá»