Breogán Riobóo: «Os actos da esquerda baleiraron o seu significado»


Vigo / La Voz

Breogán Riobóo (Narón, 1986) acaba de lograr que Claro que Podemos, o nome co que Pablo Iglesias acadou o liderado no seu partido, lle dea un respaldo que pode ser decisivo no pulso pola secretaría xeral de Podemos Galicia.

-Podemos insta aos seus candidatos a xustificar a emerxencia das súas propostas. ¿Cal é a de Galicia?

-Hai unha situación dramática que se percibe coa emigración da xente da miña xeración, que é máis ben un exilio económico pola imposibilidade de vivir na túa terra. Son necesarias novas formas de facer política.

-¿Hai tantas diferenzas como para que pugnen varias candidaturas por liderar Podemos?

-As diferenzas son positivas. Podemos é un proxecto plural, con moitísimas sensibilidades. Os outros partidos tratan de agochalas, nós non, todo é democrático.

-¿Cal é o ADN da súa candidatura?

-Abrimos as portas e relacionámonos cos movementos civís. Moitos van dar o paso de estar coa nosa lista como mellor forma de vincular a sociedade con Podemos. Non nos imos quedar vendo os embigos nos círculos.

-¿Ser a corrente oficial nestas eleccións é ser casta?

-En Podemos está claro que non hai castas. Temos un código ético que evitará que haxa casta en Podemos.

-Vostede provén do BNG e AGE, e quen liderou as dúas, Beiras, pídelle a Podemos que non sexa populista.

-Beiras ten a súa visión, moitas veces acertada. AGE fixo un bo papel no seu momento pero non soubo dar continuidade ao seu proxecto.

-¿Vostede é de esquerda ou deixou tamén de definirse?

-Cada un sentirase como queira, pero o principal é esa maioría social. Tense demostrado que nin o PSOE é de esquerda, ni o PP é so de dereitas, senón algo máis incluso. A esquerda ten perdido o seu significado polas súas actuacións que baleiraron esa palabra.

-¿Qué pode pensar un parado de Podemos de que Monedero ingrese 425.000 euros en dous meses?

-Á prensa gústalle buscar reviravoltas a todo o que pode. Quen está no paro do que está preocupado é de atopar traballo, non de Monedero.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
27 votos

Breogán Riobóo: «Os actos da esquerda baleiraron o seu significado»