«Touri é un pinchón e un bullas no pádel»

Con máis de 50.000 espectadores, «Somos criminais» é xa o espectáculo máis visto en toda a historia do teatro galego. Os seus protagonistas van de fronte e contestan a 4 preguntas feitas polo seu «partenaire»


Touri, di Carlos Blanco, é «afable, brillante, rapidísimo de mente, relaxado, moito máis calado do que poida parecer, alguén que entende que a clave do noso oficio é xogar. E xoga. Xoga moi ben, toca a pelota de vicio, non chupa, ten gol e brótalle na boca o humor. É enormemente intelixente e, inda por riba, un actorazo. Pa’ matalo». Estas son as catro preguntas que el lle fai ao seu «partenaire» no escenario.

-Que é o que menos che gusta do teu compañeiro de viaxe?

-Que é un pinchón, que xogando ao pádel é un bullas, que sempre se adianta para paghar, que ten unha axenda que mete medo, que ás dúas da mañá non pide papas coma min, que me fode que sendo tan novo teña máis cabeza e máis talento ca min. Que é un mona adorable.

-Un día perfecto na vida de Carlos Blanco sería...

-Un pouco de deporte pola mañá, una boa comida entre amigos e amigas, música, guitarras... E pola noitiña, praia e baño no mar. Por sorte teño uns cantos días así cada ano na Illa de Arousa.

-Se miras cara atrás, que é o que cambiarías da túa vida?

-Buf... Moitas cousas... O meu mal carácter, sen dúbida. A impaciencia, a falta de tacto moitas veces, mil cousas. Outras mil faríaas tal cal, pero o feito, feito está. O que importa agora é o que vén, ter saúde e seguir gozando deste momento tan bo. Por iso sempre me fascina o bo carácter de Touri, ese benestar natural. No escenario e na vida en xeral. Admírame. Gústame moito.

-Cal é o proxecto que che falta por facer e che encantaría poder facer?

-Gustaríame facer algo bonito en teatro dirixido polo meu fillo Lois. Non tardaremos, supoño, e faime moita ilusión. E encantaríame poder seguir uns cantos anos máis traballando cun ritmo tranquilo, sabendo escoller e gozando dos proxectos que veñan. Gustaba de volver facer radio. Agora pódese facer desde a casa e iso sería un planazo. E, xa postos, teño un proxecto que se cadra un día porei en marcha: levo tantos quilómetros no lombo que pensei en actuar un tempo só na Illa. Teño o título: Vinde vós que é a mesma distancia. Pero o meu proxecto máis importante, mentres poida, é gozar a vida.

«Carlos sempre me di que pare un pouco»

Estas son as 4 preguntas que Touriñán lle faría a Carlos Blanco

Carlos, di Touriñán, «ten fama de ter un carácter forte. Pero ese animal, ese bicho, eu aínda non o vin por ningún lado. Carlos é un tipo amable, cunha enorme capacidade de xogar e de compartir. Compartir escenario con el é unha marabilla, pero compartir camerino aínda o é máis. Coido que o Carlos Blanco de Somos Criminais é o menos criminal de toda a súa traxectoria».

-Como o levas cando escoitas a alguén dicir que o humor noso non funciona fóra de Galicia?

-O humor é humor. Dá igual en Chantada que en Azuqueca de Henares. Un tipo di algo e outro ri. Se iso acontece, é humor. Dá igual onde esteas. Aí temos a Javier Veiga, Rober Bodegas, Piedrahíta... Para min iso tamén é humor galego. Certo é que se falamos de humor en galego é algo máis difícil. Pero a min chéganme mensaxes de toda España de xente que ve Land Rober e morren da risa co noso humor. Coido que xa vai sendo hora de sacar peito polo noso.

Seguir leyendo

DE VENRES A DOMINGO. A CORUÑA. TEATRO COLÓN. ENTRADAS ESGOTADAS

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
11 votos
Comentarios

«Touri é un pinchón e un bullas no pádel»