O libro máis sincero e honesto de Afonso Eiré

Eiré fai una reflexión suxestiva sobre a vida e a morte e supón un dos seus inequívocos méritos.


Un ars moriendi «para galegas e galegos de hoxe», di o antropólogo Marcial Gondar no preciso e suxestivo prólogo da novela no que recolle o espírito de A morte do meu pai aínda que non fose esta a única motivación que levou ao seu autor a escribilo. Fai una reflexión suxestiva sobre a vida e a morte e supón un dos seus inequívocos méritos.

Esta proposta narrativa -tal vez a máis intensa do autor chantadino Afonso Eiré ata o de agora- non é, en puridade, diario nin crónica de vivencias persoais, nin ficción en toda a extensión do termo. Xustamente aí pode radicar a súa singularidade pois alenta nunha mestizaxe construída pola memoria e a realidade, tratada novelísticamente e recreada a través dunha corrente de consciencia que recupera discursos, diálogos e acontecementos puntuais. Todo isto é o que posibilita desvelar as claves dun adeus, recorrendo en moitas ocasións a algo que non é doado transmitir: esa «linguaxe dos sentidos, dos instintos, que fala no silencio, sen palabras», algo que nos conduce a concluír que os defuntos non os levamos na memoria, van connosco, camiñan canda nós «no noso ser».

Eiré, nun libro a contracorrente, abraza o proceso que conduce inexorablemente ao seu pai ata a morte: un final que, desde as primeiras páxinas, desde o título da obra, xa se coñece mais e é nese camiño -eses oito días desde que o pai ingresa no hospital por un accidente doméstico ata o seu falecemento- cando se ispe unha voz narradora que ten necesidade de contar, que confesa dúbidas e conxecturas, que se asolaga polo desacougo e a sensación de desamparo, que transmite con viveza as horas de espera e as noites longas, que retrata todo o que o sentimento de orfandade deixa. Mais non só pois, ao tempo, é o pai o protagonista do libro: ese home afeito a loitar contra as adversidades e superalas e que, neses derradeiros días, acode á memoria para relatar as evocacións que ordenaron a súa vida: a Guerra Civil, cos ecos de brutalidade e solidariedade que a salferiron, a posguerra ou as vivencias persoais.

Un libro sincero e honesto no que é difícil non sentirse emocionado nalgunhas das súas páxinas.

AUTOR

AFONSO EIRÉ

EDITORIAL

HÉRCULES

160 PAX, 17,90 EUROS

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

O libro máis sincero e honesto de Afonso Eiré