«Hai que recuperar a calidade da Rubia Galega»

la voz

Antonio Núñez Torrón é un dos dous candidatos á presidencia de Acruga -o outro é o actual dirixente, César Dorado-, cuxas eleccións serán este sábado. Este veterinario de profesión desde hai 34 anos e titular dunha explotación gandeira en extensivo desde hai 29, explica que a súa candidatura fórmaa un equipo

de dez gandeiros que queren loitar polo futuro da raza Rubia Galega aportando unha mestura de experiencia e modernidade: «Somos xente profesional con ampla experiencia no sector, nas especialidades de tradicional, extensivo,

intensivo e ecolóxico».

-¿Por que di que a Rubia Galega está desvarolizada?

-Hai unha gran desfeita xenética desde o 2004 porque se favorece a introdución de razas cárnicas de fóra. Os datos son alarmantes: nos últimos tres anos caeu en máis dun 11 % o número de animais inscritos no libro xenealóxico, pasando das 33.265 femias no 2011 ás 29.721 no 2013.

-¿Como se pode cambiar esta tendencia?

-Hai que recuperar a calidade da Rubia Galega coa selección xenética, porque estamos perdendo o tren por non aplicar as novas tecnoloxías. Nós queremos impulsar un programa de selección xenética en raza pura para recuperar as calidades maternais, a facilidade do parto e a produción leiteira.

-¿Que outras medidas queren poñer se saen elexidos?

-Facer un programa de selección de machos para o cruzamento con outras razas, favorecer os estudos científicos con empresas e universidades, aumentar a venda de seme mediante campañas de promoción, facer dúas subastas anuais só de gandeiros profesionais e democratizar a asociación. Non é lóxico que só teñan dereito a voto 1.150 dos máis de 2.700 socios.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags

«Hai que recuperar a calidade da Rubia Galega»