Roteiro dos centros etnográficos e exposición sobre a Virxe do Cristal na Torre da Homenaxe


O presidente da Deputación, José Manuel Baltar, dixo que Raigame non ten «comparanza algunha na nosa nacionalidade histórica». A Deputación coorganizou, co Concello de Celanova, esta edición de Raigame. José Manuel Baltar dixo que se creará un roteiro para dar a coñecer os 18 centros etnográficos que onte, en formato de paneles expositivos co resume do que ofrece cada un, se amosaban dentro da romaría de Raigame. O presidente da Deputación falou de que se levará a mostra por diferentes centros culturais de toda a provincia para dar a coñecer estes pequenos museos que se adican a etnografía ou a oficios antigos, como o da oleiría de Niñodaguia, ou case perdidos coma o do coiro en Allariz ou o dos zapateiros en Vilanova.

No día das Letras Galegas, Baltar tamén destacou que esta romería é para celebrar a lingua galega que é, dixo, «o noso maior tesouro».

O alcalde de Celanova, José Luis Ferro, dixo que esta festa sirve para por en valor a «nosa cultura tradicional histórica». O rexedor destacou a figura de Manuel Mandianes e pediulle que faga un estudo sobre a Virxe do Cristal e falou da intención de facer na Torre da Homenaxe unha exposición permanente sobre a diminuta imaxe e a súa lenda.

Ámbolos dous mandatarios destacaron a grande afluencia de público á mostra de Raigame aínda que non ofreceron unha valoración sobre o número de visitantes.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Roteiro dos centros etnográficos e exposición sobre a Virxe do Cristal na Torre da Homenaxe