Catro puntos separan o Sigaltec Liceo BBC do título de campión de categoría

Con 4 puntos de vantaxe se presentaba o pasado sábado o Sigaltec Liceo BBC ao seu partido de volta da eliminatoria de campións das zonas sur e norte da Segunda Autonómica, co Peleteiro coma rival. Dous equipos que se xogaban a honra do título da categoría, toda vez que ambos se aseguraran xa sendos ascensos á Primeira Autonómica coma premio aos mellores conxuntos na fase regular.

Os homes dirixidos por Diego Doval non puideron facerse co título, ao caer 70-62 na cancha do seu rival compostelán tras un duelo do máis igualado.

Os deberes, en todo caso, estaban feitos, e o primeiro plantel do BBC deu un gran paso de cara a encamiñar o club de volta á Liga EBA, o seu teito histórico e á que renunciou no seu día por problemas económicos.