«Hai médicos galegos dispostos a ir a Filipinas neste Nadal»

Presenta unha nova campaña «para salvar cen mil vidas»


santiago / la voz

Médicos sin Fronteras presentou onte a campaña Ser Humana salva vidas, á que se pode contribuír na web www.msf.es/serhumano ou con mensaxes SMS ao 28033, que teñen un custo de 1.20 euros. O físico Jorge Mira e os médicos Gerardo Atienza e Susana Balo acompañaron no acto a Laura García, a delegada galega da entidade.

-¿Que pretende esta campaña?

-Quere lanzar unha mensaxe positiva sobre o ser humano, que é capaz de actos de xenerosidade e de solidariedade impresionantes nas situacións máis difíciles. O reto é salvar cen mil vidas máis, de persoas que padecen malaria e desnutrición, que se poden tratar facilmente; que viven situacións de conflito en Siria; ou afectadas pola catástrofe de Filipinas.

-¿Por que esas catro situacións?

-Porque a malaria e a desnutrición son das principais causas de mortalidade infantil; en Siria, 9 millóns de persoas precisan asistencia; e en Filipinas, case o 46 % das instalacións sanitarias foron destruídas e hai 4 millóns de persoas desprazadas.

-¿É moi custoso actuar neses casos?

-Non custa moito: tratar unha crianza con malaria custa menos de 1 euro; o tratamento completo de desnutrición, de 4 a 6 semanas, son uns 40 euros; un parto con seguridade en Siria, que se salven nai e fillo, custa 30 euros; e inmunizar a 5 persoas contra o tétanos en Filipinas custa 50 euros.

-¿Teñen boa resposta galega?

-Aquí temos 16.270 socios e socias. Son persoas que contribúen de forma permanente, algunha como Gerardo Atienza leva máis de 20 anos. En situacións de catástrofe, como a de Filipinas, recibimos máis donativos puntuais. E temos grandes doadores, empresas e outras institucións que nos apoian.

-¿Hai profesionais galegos en misións no exterior?

-Este ano saíron 14: loxistas, médicos, persoas da Administración, foron traballar con nós.

-¿Estiveron en Filipinas?

-En Filipinas non temos constancia de ningún galego, aínda que estaremos polo menos dous meses máis e talvez irá algún. Hai médicos galegos dispostos a ir a Filipinas neste Nadal.

-¿En que países estiveron profesionais galegos?

-Na República Centroafricana, na República Democrática do Congo ou en Colombia. Algún chegou hai pouco, e disposto a partir de novo tras o Nadal.

laura garcía delegada galega de médicos sin fronteras

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Hai médicos galegos dispostos a ir a Filipinas neste Nadal»