Isidro Caamaño: «O disco é froito do tremendo esforzo de todos os coralistas»
FIRMAS
A agrupación polifónica presentará este domingo en Cee o seu primeiro cedé
31 may 2013 . Actualizado a las 07:00 h.A coral Neria-Costa da Morte, que dirixe Isidro Caamaño Trillo, presentará este domingo (21.00 horas) na igrexa parroquial de Cee o seu primeiro disco, Amencer na Costa da Morte. «É o resultado de cinco anos de moito traballo», di Caamaño, especialmente orgulloso polo gran traballo que fixeron os 38 integrantes da coral.
-¿Que foi o que lles levou a gravar o disco?
-Levamos cinco anos traballando e tiñamos claro que ou o gravabamos agora o xa non o faciamos. Sentiámonos preparados e pensamos que era o momento, xa que contabamos coa axuda da Deputación e da Fundación Paideia, ademais de Ferroatlántica que nos apoiou dende o primeiro momento. Sen o apoio dos concellos de Vimianzo, Carnota e Cee tamén tería sido imposible.
-¿Como é «Amencer na Costa da Morte»?
-Inclúe 14 temas de todo tipo, moi complexos e difíciles, porque houbo que traballar moito para conxuntar as voces, o piano e ao solista, pero penso que quedou moi ben e inclúe temas como o Ave María, de Caccini, A vella chalana, de Torrado ou Naranjitay, de Luis Craff.
-Non debeu ser doado de facer tendo en conta que hai coralistas de lugares moi afastados entre si.
-Teñen todos un mérito extraordinario e teño moi claro que o disco é froito do tremendo esforzo de todos os coralistas, que fixeron o imposible para vir dous días á semana a ensaiar a Cee dende Arou, Carnota, Vimianzo, Lira...