«Pódense facer moitas cousas boas sen que custen diñeiro»

Fernando Molezún A CORUÑA / LA VOZ

FIRMAS

PACO RODRÍGUEZ

Atópase inmerso na celebración dos 35 anos que cumpre Tanxedoira

06 may 2013 . Actualizado a las 19:19 h.

Pódese dicir que naceu dentro de Tanxedoira e, con 29 anos, David Loureiro ocupa a presidencia desta asociación cultural con base no Barrio das Flores que está celebrando o 35.º aniversario da súa creación. O seu é a paixón pola música e demostrar que se poden facer moitas cousas sen necesidade de que exista un interés económico detrás.

-¿Como naceu Tanxedoira?

-Xurdiu na parroquia de Santa María de Oza en 1978. Eu aínda non estaba, claro. E foi como proposta dos parroquianos en torno ao cura Juan Vila e Antonio Noche, para que os cativos non andaran polas rúas. Nun primeiro momento, e baixo o nome de Asociación Cultural Juvenil Santa María de Oza, se programaron actividades de tipo musical e, ao estar relacionado coa igrexa, os nenos cantaban nas eucaristías.

-¿Cantos socios teñen?

-Actualmente pasan por aquí unhas 80 persoas. Pero é que temos unha peculiaridade. Faise un socio e todos os que viven con el pasan a ser socios tamén automaticamente. A diferenza é que o titular ten voz e voto nas asembleas, mentres que o beneficiario ten só voz. A cota é de 25 euros por curso, e as actividades son de balde.