A iniciativa de produción de curtametraxes recibiu un premio da Academia Galega do Audiovisual
12 dic 2022 . Actualizado a las 05:00 h.A Academia Galega do Audiovisual acaba de recoñecer co XI Premio Especial José Selliero o festival de curtametraxes Chanfaina Lab, que se celebra anualmente en San Sadurniño. Tratándose dunha iniciativa eminentemente rural, a Academia premiou o espírito reinvindicativo e comunitario do festival.
A orixe remóntase ao ano 2014, cando Manolo González tivo a idea de crear un certame onde profesionais do audiovisual amosasen San Sadurniño visto dende os seus ollos. Aínda que a iniciativa xurdiu dos propios veciños, Secundino García, o alcalde, implicouse dende o inicio: «É un festival pequeno, e gústanos que sexa así», sinala.
O curioso nome do certame dá sentido ao resto. A chanfaina é o prato típico das parroquias de Bardaos e Igrexafeita, e segundo explica o profesor Manolo González, era «o prato dos pobres, que se facía co peor embutido. Nós queremos estar aí, cociñando a chanfaina: non somos Hollywood». E predican co exemplo: conviven a vangarda coas pezas de corte máis tradicional, os profesionais cos aficionados, e as persoas maiores cos creadores mozos.
Convivencia interxeneracional
Este proxecto colectivo é diferente e funciona, explican os seus integrantes, como unha cociña. Así, Secundino García é o Másterchef, como eles o denominan; Manolo González é o sous chef dos convidados; Fran Bermúdez, recoñecido youtuber, encárgase da difusión e a xestión das redes sociais; a concelleira de Igualdade, Benestar e Normalización lingüística, Araceli Bellas, encárgase das relacións institucionais; Agustín Pérez, Técnico de Cultura, leva a infraestrutura e, por último, César Galdo é a persoa ao cargo da comunicación. Detrás hai unha vasta rede comunitaria de veciños e asociacións que coadxuvan e traballan afanados por este festival.
«En vinte anos, estas pezas serán un tesouro porque permitirán comprender o pasado da xente de aquí», destaca González. Por San Sadurniño pasaron moitos directores e artistas, como Óliver Laxe, Alfonso Zarauza ou Margarita Ledo. Os convidados limítanse á capacidade de hospedaxe: nove persoas, todas as que admite a estrutura hoteleira do concello.
Pero o festival non dura só aqueles días nos que se presentan as pezas: é unha ocupación labrega; todo o ano hai un traballo continuado. No mes de setembro ten lugar a sega, a produción; cada venres durante o ano hai unha estrea virtual e xa por último, en febreiro, faise a exhibición das curtametraxes. Están elaboradas por profesionais e aficionados, e non se fai distinción entre unhas e outras.
Mulleres e apoderamento
Moitos proxectos culturais parten da premisa de fomentar a participación cidadá, pero poucos conseguen democratizar a produción cultural como o Chanfaina Lab. Detrás deste logro está un extenso equipo, dentro do cal se atopa a dinamizadora da aula CeMIT de San Sadurniño, Carmen Suárez, quen xunto coa organización do festival conseguiu que persoas maiores collesen unha cámara ou un teléfono e se puxesen a grabar. Os obradoiros contribuíron a xerar a confianza nos veciños, que compartiron espazos con figuras destacadas do cinema galego.
San Sadurniño volverá a convertirse en un plató de cine en septiembre
Tras dos años de parón, regresa el Chanfaina Lab, que en los últimos tiempos convirtió San Sadurniño en referente de la creación audiovisual gallega. El evento se desarrollará los días 1, 2, 3 y 4 de septiembre, «xuntando nunha mesa colaborativa a cineastas locais que compartan experiencia de gravar nunha fin de semana unha peza audiovisual de temática libre pero que represente dalgún xeito a paisaxe física ou humana de San Sadurniño».
El Chanfaina empezará con una parte formativa y gratuita. Para los talleres que se impartirán en la Casa da Cultura, hay disponibles quince plazas. Las inscripciones deben realizarse llamando al número de teléfono 616 016 793 o en el correo carmen.suarez@sansadurnino.gal.